August 28, 2024

August 28, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yog Vaajtswv tug Ntsujplig nyob huv mej lub sab lawm, mej yeej yuav tsi ua mej lub neej lawv le tej kws lub sab qub qha mej. Yog Yexus Khetos tug Ntsujplig tsi nyob huv mej lub sab, mej yeej tsi yog Yexus Khetos tug.” — Loos 8:9

Xaav Txug Tejlug Rua Nubnua

Peb qha saib leejtwg yog tug tswv kaav peb lubneej saib peb yuav ua neej nojnyob lecaag. Peb puas ua neej nyob le yog Vaajtswv cov mivnyuas?  Ces peb yuav txu peb tugkheej nyob huv qaab kev coj ntawm tug Ntsujplig Dlawbhuv! Peb yuav ua tshwm tas peb muaj kev phoojywg nrug Leejtxiv cov mivnyuas kws ua neej nyob muaj Vaajtswv tug yaamntxwv huv peb lub nplajteb. Peb ruajsab rua kev coj ntawm tug Ntsujplig Dlawbhuv kev coj kuas peb lubneej txawj hloov pauv zujzug (2 Kauleethaus 3:18) kuas peb zoo le Yexus, peb tug tijlaug hlub (Loo 8:14-17; Henplais  2:14-18) zoo tuabyaam le cov txiv peb txi saab Ntsujplig (Kalatias 5:22-23). So, ca peb ua neej nyob huv qaab kev tswj ntawm tug Ntsujplig  — noog tug Ntsujplig kev coj tejlug huv Vaajtswv txujlug hab ua lawv le muaj tug Ntsujplig coj peb lubneej tej nub. Huv txuj kev nuav, peb yuav qha txug Yexus txhua yaam peb has hab peb ua!

Kev Thov Vaajtswv

Fwm txug Txiv, thov paab kuv kuas kuv ua timkhawv txug qhov Yexus kev ua zoo, kev hlub, hab kev ncaajnceeg huv kuv lubneej. Thov ca kuv ua tshwm tej dlejnum kws tug Ntsujplig Dlawbhuv coj kuv, lub fwjchim, hab cov txiv zoo txhua txhua nub! Kuv thov tejnuav huv Yexus lub npe hab huv nwg lub fwjchim. Amees.