August 29, 2024

August 29, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Peb [cov ntseeg Makadaunias tseem hluas] yeej tsi xaav has tas, puab yuav paab ntau npaum le ntawd. Qhov tseemceeb, puab tub xub muab puab tug kheej cob rua tug Tswv lawm, tomqaab ntawd puab muab puab tug kheej cob rua peb khaiv lawv le Vaajtswv lub sab nyam.”— 2 Kauleethaus 8:5

Xaav Txug Tejlug Rua Nubnua

Paulus txhawb cov kwvtij hab muam ntseeg Kauleethaus kuas paab cov ntseeg kws xaav tau kev paab nyob huv nroog Yeluxalees.  Paulus txhawb cov ntseeg Kauleethaus hab has tas, cov ntseeg Makadaunias ua rua nwg xaav tsi thoob vim puab txuj hlub hab muab rua tug Tswv tegnum ob yaam xws le:

1.       Puab yog tuabneeg txomnyem hab muab tau mivntsiv moog paab.

2.       Puab muab puab tug kheej rua Vaajtswv hab muab tej kws puab muab tau moog paab cov tubkhai thaus puab ceemtsum thov tuaj kuas paab lwm tug txug kev ua Vaajtswv tegnum.

Cov ntseeg tshab nyob huv Makadaunias —Thexalaunikes hab Filipis — txaus sab hlob hab yog cov ua qauv zoo rua cov ntseeg kws nyob lwm qhov pum. Puab txujkev muaj lub sab dlawbpaug paab kuj qha peb kuas peb muaj kev hlub txug lwm tug kuas peb muab tau moog paab lwm tug thaus puab muaj kev cheemtsum: xubthawj yog muab peb tug kheej rua Vaajtswv hab peb txhaj yuav muaj lub sab dlawbpaug muab tau yaam peb muaj moog paab tau lwm tug!

Kev Thov Vaajtswv

O Txiv tug ncaajnceeg hab Vaajtswv tug muaj kev hlub, thov zaam txim rua kuv lub sab twmzeej, thov foom koobmoov rua kuv kuas kuv muaj npluamag txaus moog paab tau lwm tug lug rua kuv. Kuv muab kuv lub sab lub ntsw rua koj, yaam zoo kws nplajteb muaj hab kuv lubneeg taagnrho rua koj. Kuv thov koj pub kuas kuv pum txug koj txuj koobmoov kws koj muab rua kuv hab kuv yuav muab tau rua lwm tug. Huv Yexus lub npe, kuv thov. Amees.