August 31-September 1, 2024

August 31-September 1, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yog Vaajtswv tug Ntsujplig kws tsaa Yexus Khetos sawv huv qhovtuag rov qaab lug, nwg nyob huv mej lub sab lawm, yog le ntawd, tug kws tsaa Yexus Khetos sawv huv qhovtuag rov qaab lug, nwg tug Ntsujplig kws nyob huv mej lub sab yuav tsaa mej lub cev kws txawj tuag sawv rov qaab lug hab.”— Loos 8:11

Xaav Txug Tejlug Rua Nubnua

Tug Ntsujplig Dlawbhuv tsi yog yuav muab lubzug coj peb nwgnuav xwb  (Efexaus 3:14-21) — qhov tseeb, nwg yog tug muab lub fwjchim hab lubzug, rua peb hab coj peb — tabsis tug Ntsujplig Dlawbhuv tegnum tsi yog muab fwjchim taamsim nuav tamsis nwg muab txujsa rua peb “lubcev kws txawjtuag”. Tug Ntsujplig tseem yog tug laavloo peb lubneej pegsuab (2 Kauleethaus  1:22; 5:5) hab nwg tseem ua rua peb ca sab tas peb yuav pum Vaajtswv timntsej timmuag (1 Yauhaas 3:1-2) hab koom xeeb nrug nwg tug tshwjchim (Kaulauxais 3:1-4). Tug Ntsujplig yog tug nyob muajsa huv peb “yaam nkaus le peb kubsab lug tog nwg coj peb lug ua nwg tug tubyug, kev cawm ntawm peb lub cev,” hab cog lug tseg rua peb tas yuav muab txujsa rua peb hab txujsa ntawd yuav tsi paub xaus hab lub sijhawm nyob taabmeeg rua ntawm Leejtxiv, hab nrug tug Tub, rua qhov lug ntawm tug Ntsujplig Dlawbhuv.

Kev Thov Vaajtswv

O Vaajtswv hab Txiv ntawm txhua haiv tuabneeg hab txhua yaam nqajtawv, ua koj tsaug rua koj tug Ntsuplig yog tug ua povthawj tas koj yuav tsaa peb sawv huv txuj kev tuag lug ntawm koj lub fwjchim. Kuv paub tas, yuav tau nrug Yexus nyob ua k  nub nwg rovqaab lug. Kuv tog ntsoov rua nub kws zoo kawg nkaus. Yog le kuv qhuas koj, kuv ua koj tsaug hab txhawbnqaa koj hab togntsoov nub kws koj yuav muab txujsa nyob moog ibsim rua kuv. Amees.