Labor Day 9.2.204

Labor Day 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yog le ntawd mej tsi xob xaav has tas, mej npluanuj tub yog vim mej lub tswvyim hab lub dlaag lub zug khwv tawm lug. Mej yuavtsum ncu ntsoov has tas, tug Tswv kws yog mej tug Vaajtswv muab lubzug rua kuas mej ua tuabneeg npluanuj. Nwg ua le nuav rua mej, rua qhov nwg tseem ua lawv nraim le tej lug kws nwg nrug mej cov yawmkoob sis cog tseg lug txug najnub nwgnuav.” — Kevcai 8:17-18

Xaav Txug Tejlug Rua Nubnua

Puas muaj dlaabtsi kws Vaajtswv tseem tsi tau muab rua peb? Tsi muaj dlaabtsi. Nwg lug ntawm Vaajtswv tug muaj sab hlub, yaam koobmoov kws peb tsi tau xaav txug, yaam kws nyuaj yog ua lug ntuag, muab sijhawm rua peb thaus lub sijhawm lug txug, lossis peb kev nojqaab nyobzoo. Hab lub sijhawm thaus peb sawv ntawm nwg lub rooj zwmtxwv txavtxim, yaam kws peb xaav tau lug ntawm nwg kev hlub?  Tsuas yog lug ntawm Vaajtswv tug muaj nploojsab hlub hab muab yaam khoomplig pub rua peb lug ntawd Yexus.  Txuj kev hlub nuav rua ua peb dlawbhuv, ncaajnceeg taagnrho! Yuav tsi muaj ibyaam kws peb khwv tau, ua tau tav lossis yuav tau muab rua peb. Tsuas yog Vaajtswv tug muaj kev hlub, hab coj ceebtsheej qhov khoomplig lug rua peb. Le tug muaj koob nto npe coj peb hu nkauj, “Qhuas Vaajtswv tug pub koobmoov npluamag ndlwg laublug!”

Thov Vaajtswv

Peb ua koj tsaug, os Txiv, rua koj txuj koobmoov ndlwg laublug lug.  Txhua yaam peb muaj, txhua yaam peb ca sab yog lug ntawm koj rua qhov tsuas yog koj muaj kev taabncuab lug txug peb. Peb ua koj tsaug huv Yexus lub npe. Amees.