September 5, 2024

September 5, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yog mej ua mej lub neej lawv le tej kws lub sab qub qha, mej yeej yuav tuag, tabsis yog mej ca Vaajtswv tug Ntsujplig ua rua mej tej kev txhum puamtsuaj huv tuabsi, mej yuav tau txujsa.  Txhua tug kws ua lawv le tej kws Vaajtswv tug Ntsujplig qha txhaj le yog Vaajtswv cov mivnyuas.”— Loos 8:13-14

Xaav Txug Tejlug Rua Nubnua

Kev ua neej nyob dlawbhuv mas yog tug yeebncuab pheej nrug sis tawmtsaam, kev sis tawmtsaam ntawm peb saab nqajtawv hab saab ntsujplig kuj yog ibqhov Vaajtswv taabtom tsim peb dlua tshab kuas zoo le Yexus Khetos.  Yog tsi muaj tug Ntsujplig lub fwjchim, peb yeej yuav qaugzug. Tabsis tug Ntsujplig lub fwjchim ua haujlwm huv peb, peb yuav kovyeej tej kev sib tawmtsaam hab ua rua peb moog ze lub homphaj kws ua tau zoo le Yexus Khetos lub.   (Kaulauxai  1:28-29), kws yog tug Ntsujplig Dlawbhuv muab rua peb (2 Kauleethaus 3:17-18). Peb xaiv qhov ua lubneej nyob lug ntawm tug Ntsujplig Dlawbhuv lub fwjchim yaam le yog Vaajtswv cov mivnyuas hab yog cov kws ua timkhawv pum txug nwg tug tshwjchim rua qhov huv txuj kev hlub rua peb huv Yexus hab Yexus muab tug Ntsujplig Dlawbhuv rua peb hab nyob huv peb.  (Titaus 3:3-7)!

Kev Thov Vaajtswv

Txiv, thov zaam txim rua kuv, kws kuv ca kuv saab nqajtawv ua lubneej muaj txuj kev txhum, thov koj paab kuas kuv muaj yeej ntawm tej ntawd.  Nubnuav kuv zoo sab muab kuv lub plawv rua tug Ntsujplig Dlawbhuv ua tug ntxuav kuas kuv tej kev txhum huvsi le tug Ntsujplig coj kuv kuas kuv zoo le Yexus, huv nwg lub npe. Kuv thov. Amees.