September 7-8, 2024

September 7-8, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yog Vaajtswv tug Ntsujplig kws tsaa Yexus Khetos sawv huv qhovtuag rov qaab lug, nwg nyob huv mej lub sab lawm, yog le ntawd, tug kws tsaa Yexus Khetos sawv huv qhovtuag rov qaab lug, nwg tug Ntsujplig kws nyob huv mej lub sab yuav tsaa mej lub cev kws txawj tuag sawv rov qaab lug hab.”— Loos 8:11

Xaav Txug Tejlug Rua Nubnua

Nwg tsi yog tug Ntsujplig Dlawbhuv muaj lub zug rua peb xwb (Efexaus 3:14-21) — qhov tseeb, nwg yog tug muab lub fwjchim hab lub zug rua peb, qha peb, coj peb — tabsis tug Ntsujplig Dlawbhuv ua num tsi yog muab fwjchim nwgnuav, nwg muab txujsa rua peb  “lubcev kws txawjpluj txawjtuag”. Tug Ntsujplig kuj tseem yog tug ua rua peb tau lubneej yaav pegsuab (2 Kauleethaus 1:22; 5:5) hab ua rua peb paub tseeb has tas peb yuav pum Vaajtswv timntsej timmuag  (1 Yauhaas 3:1-2) hab nrug nwg koom nwg tug tshwjchim  (Kaulauxais 3:1-4). Tug Ntsujplig muajsa nyob huv peb “lawv le peb muaj lub kublug tog coj peb moog ua nwg tug tubsau, theej peb lubcev,” hab coglug muab txujsa tsi paub xaus rua peb nyob huv Leejtxiv, hab nrug tug Tub, vim rua qhov lug ntawd tug Ntsujplig Dlawbhuv.

Kev Thov Vaajtswv

O Vaajtswv hab Txiv ntawm txhua yaam tuabneeg, txhua hom tuabneeg, ua koj tsaug rua tug Ntsujplig tug kws ua timkhawv tas koj yuav tsaa kuv sawv huv qhovtuag hab txhawb kuv lubzug taamsim nuav. Kuv tog quasntsoov nub kws zoo kawg nkaus, kuv paub, kuv yuav koom nrug Yexus nyob moog ibtxhab ibtxhis.  Yog le ntawd Txiv, kuv qhuas koj huv Yexus lub npe, hab lug ntawm tug Ntsujplig Dlawbhuv lub fwjchim, kuv ua koj tsaug hab qhuas koj. Amees.