September 12, 2024

September 12, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Lug ntawm Yexus Khetos, tug Ntsujnlig txug cai tub tso peb dlim ntawm kev txhum hab kev tuag lawm.”— Loos 8:2

Xaav Txug Tejlug Rua Nubnua

Qhuas Vaajtswv! Yexus, tug tau coj peb tawm ntawm txuj cai kws khi peb. Taamsim nuav peb paub tseeb has tas peb ua neej nyob lawv le Vaajtswv tug dlejsab huv peb lubneej lug ntawm tug Ntsujplig Dlawbhuv ua tug coj, tug kws muab lubzug rua peb (Loos 8:28-29) hab hloov peb  (2 Kauleethaus 3:18) kuas peb dlhau lug moog zoo le Yexus Khetos, tug kws ua rua txuj kevcai tavlog (Mathais 5:17). Peb raug dlim huv txuj kev hlub, lug ntawm kev ntseeg, yog le ntawd kev ua zoo yog lug pauj hab ua Vaajtswv tsaug kws yog kev qhuas peb tug Cawmseej kws Vaajtswv npaaj rua peb thaus u lug lawm kuas peb ua. (Efexaus 2:8-10).

Kev Thov Vaajtswv

Txiv, kuv ua koj tsaug rua koj kev hlub hab taabncuab. Kuv qhuas koj, Vaajtswv tug muaj fwjchim, tug kws muab nwg Tub lug ua yaam khoom fij theej txhoj txhaj zaam tau txim. O tug Tswv cawmseej, koj qhov khoom lug ntawm tug Ntsujplig Dlawbhuv yuav coj kuv hab qha kuv kuas kuv ua tau lubneej kws hloov tau muaj tug xeebceem zoo le koj tug yaam ntxwv, zoo le Yexus Khetos. Huv nwg lub npe, kuv ua koj tsaug. Amees.