Your cart is currently empty!
September 16, 2024
September 16, 2024
Nubnuav Nyeem-Kawm Vaajtswv Txujlug
Nqailug Rua Nubnua
Tug Ntsujplig lug paab peb cov kws qaug zug, rua qhov peb tsi paub has tas, tsimnyog peb thov yaam dlaabtsi. tug Ntsujplig kubsab lug thov Vaajtswv paab peb thaus peb thov nroo tujtawg huv nruabsab. Vaajtswv tug kws paub neeg lub sab, nwg yeej paub tej kws nwg tug Ntsujplig thov, rua qhov tej kws tug Ntsujplig thov Vaajtswv paab peb cov kws yog Vaajtswv haivneeg, tej ntawd hum Vaajtswv sab.— Loos 8:26-27
Xaav Txug Tejlug Rua Nubnua
Tej zag, peb kev thov Vaajtswv zoo le tej plausplav poob sau qaabthaab rua huv pegteb, nwg ua rua lu rua sau peb kutaws hab muaj kaab rua peb pum. Lwm lub sijhawm, kuj ua rua peb kovyeej nrug tej kev tu sab, hab tej kws peb thov chiv ua rua peb poob sab. Ua Vaajtswv tsaug kws nwg pub lub fwjchim rua peb thaus peb thov lawv le peb xaiv ntawm peb tej lug thov tabsis lug ntawm nwg kev hlub muab rua peb kws yog tug Ntsujplig Dlawbhuv pheem thov taagzug. Tug Ntsujplig Dlawbhuv muab peb tej lug thov — peb tej kev paub, hab nrug rua yaam lug peb thov, kev peb paub — hab nwg ua kuas Vaajtswv lub fwjchim nrug nraim hab peb leeg txais tau, txawm yuav yog yaam ntawd lug huv peb lub sab hab peb lubcauj!
Kev Thov Vaajtswv
Vaajtswv tug Dlawbhuv hab Leejtxiv tug muaj kev hlub, ua koj tsaug rua qhov khoom pub kws yog tug Ntsujplig Dlawbhuv tug kws kuas peb paub tseeb, yog tug nov hab txais peb tej lug thov, xaav, kev paub hab txawm muaj kev tsi sib hum huv peb lub sab thaus kuv thov. Huv Yexus lub npe, Kuv ua koj tsaug rua txuj kev hlub nuav. Amees.