Your cart is currently empty!
September 19, 2024
Nubnuav Nyeem-Kawm Vaajtswv Txujlug
September 19, 2024
“Yog le ntawd, tug kws xaav has tas nwg tub sawv khov kho lawm, tug ntawd yuavtsum ceevfaaj nyob tsaam nwg qaug. Tej kev kws sim mej sab tsuas yog tej kws suavdlawg yeej ibtxwm muaj lug lawm xwb. Vaajtswv yog tug ncaajnceeg, nwg yuav tsi pub mej raug tej kev sim sab kws mej yuav nyaj tsi taug. Tabsis thaus mej raug tej kev sim sab, Vaajtswv yuav paab mej ua tau sab ntev mej txhaj yuav nyaj taug dlhau. Yog le ntawd cov kwvtij kws kuv hlub es, mej tsi xob pe dlaab pe mlom ib zag le.”
Xaav Txug Tejlug Rua Nubnua
Dlaabtsi yog mlom? Mlom yog ibyaam dlaabtsi koj hlub tshaaj le hlub Vaajtswv? Mlom yog ibyaam dlaabtsi kws koj teevtam tshaaj le teevtam Vaajtswv? Mlom yog ibyaam dlaabtsi koj ntshai tshaaj le ntshai Vaajtswv? Mlom yog ibyaam dlaabtsi kws koj ca sab dlua le ca sab rua Vaajtswv? Puas muaj ib yaam dlaabtsi koj hlub tshaaj le Vaajtswv? yog muaj, koj yog ibtug teev mlom. Yexus has tas “Xub nrhav Vaajtswv lub tebchaws hab Nwg txuj kev ncaajnceeg” (Mathais 6:33). Tsi xob nrhav Vaajtswv ua zag ob, lossis zag peb. Nrhav Nwg ua ntej.
Koj paub txug mlom lug tau lecaag? Thawjqhov, nwg yog lug ntawd peb cov DNA; Qhov tuabneej tsim kev ntseeg. Nwg yog ib yaam huv tuabneeg kev teevhawm. Yog yaam peb muab lug ua Vaajtswv tug dluab, ua yaam rua peb pehawm tug peb tsim. Yog ibtug tuabneeg kws pehawm tug Vaajtswv tseeb, nwg yuav tsi pehawm tug cuav vaajtswv. Pehawm yog ibfeem huv koj muaj hab yog ibyaam kws koj txua lug rua koj teevtam. Lu lug nug yog, koj pehawm dlaabtsi?
Thov Vaajtswv Rua
Vaajtswv thov koj paab kuas kuv tsi xob pheej xaav txug yaam kuv pehawm ntawd yog yaam cuav vaajtswv. Thov koj paab kuas tug Tswv kws kuv pehawm ntawd yog koj kws yog tug Vaajtswv tsim lub nplajteb, tug muaj txujsa ib txhis. Kuv thov huv Yexus lub npe. Amees.