Your cart is currently empty!
September 23, 2024
Nubnuav Nyeem-Kawm Vaajtswv Txujlug
September 23, 2024
“Yexus teb has tas, “Qhov kws nwg dligmuag le ntawd, tsi yog vim nwg tej kev txhum lossis vim nwg nam hab nwg txiv tej kev txhum. Nwg dligmuag kuas suavdlawg txhaj le pum Vaajtswv lub fwjchim.”
Xaav Txug Tejlug Rua Nubnua
Ca peb thov Vaajtswv paab kuas tuabneeg lubqhov pum tegnum ntawm Vaajtswv ua rua huv puab rua peb pum. Thaus Yexus hab cov kws lawv nwg qaab pum txug tug tuabneeg dligmuag puag thaus ntsuabthab lug, cov thwjtim xaav tas yog vim ibleeg twg ua txhum. Yexus pum puab muab nwg lu lub npe le ntawd vim puab xaav has tas yeej yuav tsum yog nwg ua txhum lossis nwg namtxiv ua. Yog le ntawd, Yexus qha rua puab has tas, kuas mej paub le nuav, nwg qha rua puab kuas puab pum has tas, tsi yog vim leejtwg ua txhum tabis vim yog ca ua kuas suavdlawg pum Vaajtswv txuj kev hlub lug txug rua tug nwg cheemtsum tau. Yog le yaam dlaabtsi huv Vaajtswv tegnum qha rua peb pum tas Vaajtswv muaj fwjchim paab tau tuabneeg lubneej? Yexus teb tej lug nug ua ntej lawm txug nwg teg dlejnum. “Vaajtswv tegnum yog le nuav: yuav tsum ntseeg tug kws nwg tau xaa lug” (Yauhaas 6:28-29) Puab nug Yexus has tas, “Peb yuavtsum ua tej yaam dlaabtsi twg txhaj yog tej kws Vaajtswv xaav kuas peb ua?” Yexus teb puab has tas, “Yaam kws Vaajtswv xaav kuas mej ua yog le nuav, nwg xaav kuas mej ntseeg tug kws nwg khaiv lug.”
Thov Vaajtswv
Leejtxiv, thov paab kuas kuv pum tej tuabneeg nyob puagcig kuv le Yexus pum. Kuv xaav kuas paub meej tas koj tegnum kws ua tav rua huv kuv lub sab. Thov pub kuas kuv muaj lub sab ntev rua cov tuabneeg sab phem, ua sab mogmuas rua cov tuabneeg ua rua kuv mobsab, hab kuas kuv muaj lub sab dlawb sab zoo rua tug tuabneeg xaav nov Txujmoo Zoo txug Yexus. Thov siv kuv kuas kuv paab tau lwm tug lug pum tegnum koj ua nyob huv puab lubneej! Huv lub npe ntawm Yexus Khetos, Kuv thov. Amees.