October 1, 2024

Nubnuav Nyeem-Kawm Vaajtswv Txujlug

October 1, 2024

“Mej cov kws rhawv tsim kevcai tsi ncaajnceeg hab sau kevcai lug tswj kuv haiv tuabneeg, mej yuav raug kev puamtsuaj. Mej ua le ntawd tub yog tsi muaj kev ncaajnceeg rua cov tuabneeg txomnyem, hab txwv kuv haiv tuabneeg pluag txuj cai tau cov pujntsuag hab mivnyuas ntsuag tug, mas mej yuav raug kev puamtsuaj.”— Yaxaya 10:1-2

Xaav Txug Tejlug Rua Nubnua

Vaajtswv xaav tau kuas peb muaj lub sab dlawb sab zoo, ua lub sab luj sab dlaav, hab ncaajnceeg. Vim lecaag? Rua qhov nwg yog tug nwg yog: dlawbhuv hab npuvnpos txujkev ncaajnceeg (1 Petus 1:13-16; 2 Petus 1:5-11) hab nwg yog tug muaj kev hlub txhua tug  (Tsivdlim  34:6-7; Kevcai 10:18). Tej yaam zoo le nuav txhaj hu tau tas nwg yog Vaajtswv kws hlub peb txhua nub huv peb lubneej.  Peb yuav tsum muaj kev  dlawbhuv hab ncaajnceeg tuabyaam nkaus le nwg. Kev ncaajnceeg hab dlawbhuv yuav ntsum yog yaam kws tsim nyog peb muaj. Peb muaj coobtug nrhav txuj kev zoo los tsi muaj.  Yog le txhaj has tas, peb yuav tsum nrhav kev kuas peb moog cuag tau Vaajtswv sub peb txhaj dlawbhuv hab ncaajnceeg nyob rua huv peb tug xeebceem kws muaj tug Ntsujplig Dlawbhuv ua tug hloov peb lubneej kuas peb zoo zujzug moog txug le Yexus muaj. (2 Kauleethaus 3:18; Kalatias 5:22-23). Tomqaab txhua yaam, Yexus yog tug muajsa nyob rua peb pum Vaajswv yog tug ncaajnceeb hab muaj kev taabncuab rua peb tuabneeg txhua txhua tug (Yauhaas 1:1-3, 14-18).

Thov Vaajtswv

O Vaajtswv, koj yog tug dlawbhuv hab ncaajnceeg. Koj tseem yog tug Vaajtswv kws muaj kev hlub rua cov mivnyuas kws tsi muaj namtxiv. Thov koj pub kuas kuv muaj kev hlub zoo tau tuabyaam nkaus le koj.  Thov koj rhem kuv lub sab dlub kuas muaj tau koj tug yaamntxwv le Yexus Khetos tub ua rua kuv pum. Thov lug nyob huv kuv lubneej. Huv Yexus lub npe, peb thov. Amees.