October 2, 2024

Nubnuav Nyeem-Kawm Vaajtswv Txujlug

October 2, 2024

“hab Peb paub has tas, peb cov kws hlub Vaajtswv, txawm yog peb tau zoo hab txomnyem los ib puas tsaav yaam kws Vaajtswv ua puavleej muaj nqes rua peb cov Vaajtswv pum zoo hu lug lawv le tej kws nwg tub npaaj tseg lawm.”— Loos 8:28

Xaav Txug Tejlug Rua Nubnua

Qhov teebmeem tag tag huv peb lubneej tsi yog kev ncaajnceeg hab kev zoo tabsis yog peb. Keebkwm ntawm Vaajtswv kev ncaajnceeg rua cov Ixayees hab nwg kev cog lug peb pum nyob huv Vaajtswv Txujlug. Peb ua neej lawv le Vaajtswv lub homphaj kws nwg cog lug tseg rua tej yaam huv peb lubneej. Qhov tseeb txawm yuav yog peb xaiv los tsi xaiv los nwg tseem muaj kev hlub peb hab kuas peb ua tau lubneej le nwg lub homphaj. Nwg yog lubneej kws muaj kev casab rua yaam kws yuav nyob moog ibtxhis. Kev ntseeg zoo le nuav yog tug ncaag huv tug Cawmseej tug muaj yeej kev tuag, Xataas, kev txhum hab ntuj tawg kws muaj tug ntsujplig coj peb kuas peb tau txais kev cawmdlim. Tabsis kuas peb cim tas huv lub qhovntxaa nwg tseem nyob txug nub ob.  Nyob ntawd kuj ua rua peb zoo le taag kev ca sab, tabsis peb rov muaj kev ca sab yog Yexus sawv rov muajsa lug ntawm Vaajtswv lub fwjchim rua nub peb. Yog le ntawd peb yuav tsum xaiv qhov hlub Vaajtswv hab ua lubneej kws muaj lug homphaj thaus peb twg kev — thaus peb ntseem nyob “rua Nub ob” thaus peb tseem taabtom tog rawv rua peb kws ua rua peb kev cawm tavlog?

Thov Vaajtswv

Thov muab rua kuv kuas muaj kev ntseeg, hab tug xeebceem. O tug Tswv, hab thov pub kuas kuv tuav rawv kev ntseeg hab muaj kev ca sab rua huv koj le kuv hlub koj hab lubneej le koj lub homphaj huv kuv lubneej. Huv Yexus Lub Npe, Kuv thov. Amees.