October 15, 2024

Nubnuav Nyeem-Kawm Vaajtswv Txujlug

October 15, 2024

“Thaus peb tseem qaugzug, Yexus Khetos tuag txhwv peb tej kev txhum lawv le lub sijhawm Vaajtswv teem tseg ca. 7Yeej tsi muaj leejtwg zoo sab tuag theej ib tug neeg ncaajnceeg lub txhoj. txawm yog le ntawd los tej zag yuav muaj qee leej zoo sab tuag theej tug neeg zoo lub txhoj hab..”— Loos 5:6-7

Xaav Txug Tejlug Rua Nubnua

Yexus Khetos tuag rua tug tuabneeg tsi muaj Vaajtswv.  Yexus Khetos tuag rua kuv.  Yog nwg tsi lug muab nwg tug kheej tuag, yog tsi muaj Vaajtswv kev taabncuab, kuv tsi muaj fwjchim kws yuav paab tau kuv lossis ua kuas kuv tug kheej ncaajnceeg.  Yexus ua rua kuv rua yaam kuv ua tsi tau hab them kuv cov nujnqe huv txuj kev txhum kws kuv tsi muaj nyaj txaus them. Nwg them rua kuv; tsi yog vim kuv ua zoo hab muaj txawjntsig txaus rua nwg lug tuag, tabsis kuv yeej tsi tsim nuj tug dlaabtsi yog has tas tsi muaj nwg.

Thov Vaajtswv

Vaajtswv tug muaj kev hlub, ua koj tsaug, koj muab tug Camseej lug, kuv qhuas koj.  Tej lug yeej qhuas tsi tau koj yaam tsimnyog tabsis koj qhov khoom pub kws yog koj kev taabncuab hlub muaj txajntsig ntau kawg nkaus rua kuv. Kuv fwm koj, qhuas koj os kuv Txiv tug nyob sau lub zwmtxwv hab kuv tug Tswv Yexus tug tsaug tsa sau khaublig hab nwg lub npe zoo kawg nkaus, kuv ua koj tsaug. Amees.