October 21, 2024

Nubnuav Nyeem-Kawm Vaajtswv Txujlug

October 21, 2024

[Vaajtswv has rua Nau-As,] “Thaus tug dluab zaaj tshwm sau cov fuab, kuv yuav pum tug dluab zaaj ntawd, kuv yuav ncu txug tej lug kws kuv tau cog tseg moog ibtxhis rua mej hab txhua yaam kws muajsa nyob huv nplajteb nuav.”— Chivkeeb 9:16

 Xaav Txug Tejlug Rua Nubnua

Kuv tsi paub txug koj, tabsis kuv paub tseeb txug kuv.  Yog le tsim nyog qhuas Vaajtswv tug tsim ib puas tsaav yaam huv nplajteb nuav kws muaj ntau yaam sim, ntau yaam tsaj, hab tojrooj hauvpeg yaam zoo kawg nkaus.  Kuas ua Leejtxiv tug nyob sau Ceebtsheej tsaug kws nwg yog tug yaumsij qheb rua tuabneeg nplajteb pum txug nwg yog tug muaj fwjchim, tug muajsa hab tug muaj txuj kev hlub.  Peb pum tas tug dluabzaaj muaj ntau yaam xim tsi yog qha rua peb pum tas zoo nkauj xwb, ntawd qha rua tuabneeg nplajteb txug Vaajtswv kev cog lug tseg tas yuav tsi muaj dlej dlaag nyaab lub nplajteb nuav ntxiv lawm.  Tug Vaajtswv muajsa hab tug nyob moog ibtxhab ibtxhis tau qha rua peb pum txug Vaajtswv lub fwjchim, kev hlub hab taabncuab.  Lug ntawm tug dluabzaaj kuj yog lubcim, Vaajtswv cogtseg tas yuav tsi muaj dlej nyaab.   Peb txhua tug yog Vaajtswv tsim peb huv naam lubcev, pub muajsa hab lujhlub huv nam lubcev ntawm Vaajtswv lub fwjchim(Ntawv Nkauj 139:13-16). Yog le peb yuav tsum tswj peb tug kheej hab ua lubneej paub nrhav Vaajtswv thaus peb pum tug dluabzaaj (Chivkeeb 9:4-7) hab tsi leeg paub yaam kws yog yaam phem (Chivkeeb 9:22-24). Vaajtswv tsim tug dluabzaaj yog qha kuas peb ncu tas nwg hlub peb hab hu peb lug kuas fwm nwg nrug rua muaj tug xeebceem hab ceev siv yaam kws nwg tsim moog rua qhov zoo.

Thov Vaajtswv

Vaajtswv tug muaj fwjchim luj kawgnkaus, ua koj tsaug rua qhov koj tsim peb hab muab lug cogtseg rua peb. Thov koj paab kuas peb txawj ua lubneej pum txug koj txuj kev hlub hab koj lu lug cogtseg. Ua koj tsaug hab thov koj lug tsomkwm saibxyuas peb. Huv Yexus lub npe, kuv thov. Amees.