Your cart is currently empty!
October 22, 2024
Nubnuav Nyeem-Kawm Vaajtswv Txujlug
October 22, 2024
“Yexus nov puab has le ntawd, Yexus teb has tas, “Cov tuabneeg tsi muaj mob yeej tsi moog cuag kws tshuaj, tsuas yog cov tuabneeg muaj mob xwb txhaj le moog cuag kws tshuaj xwb “— Mathais 9:12
Xaav Txug Tejlug Rua Nubnua
Vim lecaag Yexus txhaj nyob nrug cov tuabneeg txhum? Rua qhov peb xaav tau nwg nrug peb nyob ua ke! Qhov tseemceeb tshaaj ntawd yog feem tseeb kws Yexus lug rua lub nplajteb: Yexus npaaj kuas peb paub tas nwg hlub hab cawm peb. Yog tsi muaj nwg, peb tsuas yuav muaj taag kev ca sab lawm xwb. Tuab lub sijhawm zoo le ntawd yog, peb tsi leeg paub hab xaav tau Yexus kev hlub hab taabncuab, Vaajtswv yuav tsi muab tug kheej lug theem peb lub txhoj tes peb yeej nplaam taag nrho txhua yaam huv tuabsi. Yog le ntawd, ca peb qhuas Yexus tug kws muaj kev hlub hab muab tug kheej ua tug cawmseej kuas peb paub tas nwg hlub peb hab kuas peb moog txais kev cawm dlim huv peb kev ntseeg nwg vim nwg muaj kev hlub hab taabncuab peb kws luj kawg nkuas!
Thov Vaajtswv
Txiv tug muaj kev hlub, kuv qhuas koj taagnrho huv kuv ntsuab sab ntsuab plawv rua koj kev hlub kws yog kuv tug Cawmseej. Tuab lub sijhawm ntawd, Txiv kuv leeg kuv tej kev txhum kws kuv muaj teebmeem nrug kev txhum. Kuv xaav tau kuas txuj kev txhum tawm taagnrho huv kuv lubneej moog. Thov koj zaam txim rua kuv hab coj kuv lug kuas cuag tau koj. Kuv paub tas, kuv yog mivnyuas tuabneeg xwb kuv phoom taag kuv lug zug los yuav lug tsi txug koj, thov koj muab lubzug hab lub fwjchim rua kuv, thov huv Yexus Khetos lub npe, Kuv thov Amees.