October 25, 2024

Nubnuav Nyeem-Kawm Vaajtswv Txujlug

October 25, 2024

[Vaajtswv tsaav tuabneeg sawv hab pehawm nwg has tas:]  “Tug Tswv es, koj tuab leeg yog tug Tswv; koj yog tug kws tsim ntuj, hab tej nubqub sau nruabntug. Koj yog tug tsim  nplajteb, tsim havtxwv, hab ib puastsaav yaam huv nplajteb hab huv havtxwv. Koj pub txhua yaam tsaav muajsa huv tuabsi. Ib puas tsaav yaam muaj fwjchim sau ceebtsheej, puavleej txhuscaug pehawm koj.”— Nehemis 9:6

 Xaav Txug Tejlug Rua Nubnua

Vaajtswv yog tug Tsim!  Txujsa yog nyob huv nwg hab rua nwg.  Kev pehawm muaj txheeb vaam yaam pehawm hab txhawbnqaa nwg lug ntawm lub fwjchim hab kev hlub. Rua kuv, muaj ob lub ntsiblug tseemceeb: 

1. Kuv yuav tau muab taagnrho lub sab lub ntsw pehawm hab qhuas nwg.
2. Thaus kuv qhuas Vaajtswv, Kuv taabtom muaj yaam kws yuav nyob moog ibtxhis txuas rua nwg tug kws tsim kuv kws nyob sau ceebtsheej huv kuv kev pehawm tug Tswv!

Koj hab kuv yuav coj tsi tau peb lubneej saab nqajtawv nrug peb moog txuas rua yaam tomntej, tabsis ntawm tej yaam ntawd yog peb kev qhuas peb tug Vaajtswv hab Leejtxiv tug nyob sau ceebtsheej yog yaam yuav muaj moog. Qhuas Vaajtswv, tsi yog nwgnua, tabsis yuav qhuas nwg moog ibtxhab ibtxhis!

Thov Vaajtswv

Ua koj tsaug kuv tug Vaajtswv, rua qhov koj tsim kuv nrug rua ibpuas tsaavyaam kws tsi muaj ibyaam dlaabtsi yuav lug pev tau. Ua koj tsaug tug Tswv tug muaj Fwjchim luj kawgnkaus rua koj kev hlub hab kev zaamtxim kws muaj rua kuv moog tsi paub xaus. Kuv ua neej nyob tog nroov yuav pum koj taabmeeg suavdlawg.  Kuv yuav qhuas koj nrug koj cov tubkhais quastxheeb caumvaam leej nyob sau ceebtsheej. Huv Yexus lub npe, Kuv qhuas. Amees.