Hmong Baptist National Association

October 29, 2024

—

by

HBNA Editor
in

Nubnuav Nyeem-Kawm Vaajtswv Txujlug

October 29, 2024

 “Ces Eliyas has rua Vaajntxwv Ahaj tas, “Nwgnuav koj cale moog noj mov, kuv nov lub suab naag tub lug yuav txug.” Thaus Ahaj moog noj mov lawm, Eliyas nce moog sau ncovroob Kalemees. Nwg txhuscaug ndlua khoov ti nkaus rua huv pegteb. Nwg has rua nwg tug tubkhai has tas, “Koj cale moog saib tim dlej havtxwv saib puas pum dlaabtsi.” Thaus tug tubkhai moog saib rov lug, nwg has tas, “Kuv tsi pum ib yaam dlaabtsi hlo le.” Eliyas kuas nwg moog saib nto xyaa zag.  Zag xyaa tug tubkhai rov lug has rua Eliyas tas, “Kuv pum muaj ib qhov fuab miv miv luaj lub nrig sawv huv havtxwv tuaj.” Eliyas has rua nwg tas, “Koj cale moog has kuas Vaajntxwv Ahaj cale nog tsheb neeg kawg kag caij kag moog ua ntej, nyob tsaam nwg tsiv tsi yeej naag, nwg tsi tau kev moog tsev.” 1 Vaajntxwv 18:41-44.”

Xaav Txug Tejlug Rua Nubnua

Peb yuav muaj kev thov Vaajtswv moog txug thaus Vaajtswv tso naag lug rua peb.  Nuav muaj ib tug pheej khob taag los khov taag zug —hab ntawd kuv yog yaam kws peb yuav tau ua.  Yog Vaajtswv tsi teb koj tej lug thov, ces ua tag thov. Ntawm yuav ua rua peb muaj lug nug tas peb yuav thov ntev lecaag. Peb yuav khov txug thaus peb tau tuav ntawm teg lossis txug thaus naag lug rua huv peb lub plawv, lossis txug thaus Vaajtswv has tas tseg.  Yog koj tau txais ntawm koj txhais teg, koj tsi taag yuav thov lawm. Nwgnuav, koj xaav tau kuas nwg teb rua huv koj lub plawv, hab Vaajtswv yuav has, “Kuv tau nov koj tej lug thov. Ua sab ntev tog txug thaus Kuv teb koj.”

Kuv yuav muab yaam ntawd. Kuv tau nov koj tej lug thov.” Nwgnuav yuav yog tog ib plawg, tabsis kuv tau muaj lug teb nyob huv kuv lub plawv. Tej zag Vaajswv yuav has teb rua koj has tas wb. Vim lecaag? Rua qhov Nwg tsi hlub peb? Wb, rua qhov Nwg hlub peb. Qhov teb rua peb mas yuav txawv; qhov teb ntawd yuav qeeb lossis sai. Tabsis Vaajtswv teb tug thov Vaajtswv.

Thov Vaajtswv

Thov rua cov ntseeg thoob nplajteb kuas ua sab ntev tog thaus puab thov txug koj hab kuas puab tuav rawv puab kev ntseeg hab kuas ncu ntsoov ua lubneej kws tub muaj yeej huv Yexus. Huv Yexus lub npe, Kuv qhuas koj. Amees.