Your cart is currently empty!
October 31, 2024
Nubnuav Nyeem-Kawm Vaajtswv Txujlug
October 31, 2024
“Thaus kawg, kuv cov kwvtij, mej zoo, yaam twg tseemceeb, yaam twg tsimnyog fwm, tej kws ncaajnceeg, tej kws zoo kawg nkaus, tej kws ntxim nyam, hab tej kws yuav tau koobmeej—mej yuav tsum cim ntsoov ua cov nuav.” Filipis 4:8
Xaav Txug Tejlug Rua Nubnua
Tuabneeg siv puab lub qhovntsej zoo le cov thoob ntim khoom lamsim povtseg. Tej tug tuabneeg nov tej lug nkawgxaiv hab tej xuvxwm cuav. Yog yaam phem, puab xaav tau hab khaws ca. Ces tej xuv phem ntawd txawm ca le sib ki moog rua nuav rua u zoo le tej suavtawg ki puvtoj puvpeg. Peb yuav tsum tau ua lub qhovrooj kaws huv peb kev xaav kuas kem tau txuj kev phem tsi xob lug tsim khu peb txujkev zoo kuas phem. Puas yuav ca tej nuav lug tshum rua huv peb? Tej nuav yuav tsaa lwm tug kuas ua phem. Thaus puab raug sim, yuav ua rua puab ca qhov phem ntawd ki kev phem tau lug rua huv puab.
Tabsis koj yeej ibtxwm xaav txug ibyaam dlaabtsi. Koj yuav tswj tsi tau koj kev xaav lawv le muaj. Yog has tas koj tsi xaav txug ibyaam dlaabtsi twg taamsim nuav, koj yuav xaav txug yaam phem. Yog has tas koj tsi xaav txug yaam zoo, koj yuav xaav txug yaam phem. Ib txug kev kws yuav ua rua koj tsi xob xaav txug qhov phem yog koj tsi xob saib rua qhov phem kws koj xaav txug. Yog le ca peb lug xaav txug Vaajtswv, ntawd ua rua peb txaav tawm ntawm qhovphem. Peb tseg tsi xaav qhov phem vim peb tsom ntsoov rua ntawm Vaajtswv.
Thov Vaajtswv
O Vaajtswv tug paub peb kev xaav, txawm yog xaav qhov phem lossis qhov zoo, kuv thov koj qheb kuv lub plawv kuas txawj txus kev xaav qhov phem lug ntxig kev xaav rua qhov zoo sub kuv txhaj paub ua qhov zoo, qhov zoo ntawd yog qhov koj xaav tau. Huv Yexus lub npe. Kuv thov, Amees.