November 8, 2024

Nubnuav Nyeem-Kawm Vaajtswv Txujlug

November 8, 2024 

“ Yog leejtwg xaav khaav, tsimnyog nwg khaav txug qhov kws nwg totaub, hab paub kuv, rua qhov kuv muaj nploojsab hlub moog ibtxhis, kuv ua ncaajnceeg hab qhov tseeb. Tej nuav yog tej kws hum kuv sab. tej lug nuav yog kuv tug kws yog tug Tswv has.”— Yelemis 9:24

Xaav Txug Tejlug Rua Nubnua

Yelemis cov lug ntuag rua Vaajtswv cov tuabneeg muaj ob qhov tseeb kuas pum txug tug Tswv tug xeebceem  — qhov tseeb ntawd yuav tsum pum nyob huv peb lubneej, tuabyaam nkaus:

1. ພະເຈົ້າສະແດງຄວາມກະລຸນາ ຄວາມຍຸຕິທໍາ ແລະຄວາມຊອບທໍາ.
2. Vaajtswv txaus sab rua peb thaus nwg pum pebua peb lubneej le nwg tug yaamntxwv nyob huv peb.

Ca peb ua kuas peb zoo le Leejtxiv tug nyob sau ceebtsheej tug kws muaj lub sab mogmuas, ncaajnceeg hab ua ncaaj. Vim le caag? Peb yuav tsum tsi muaj lwm yaam kev zoo tshaaj le qhov Vaajtswv coj peb lug hab peb ua rua nwg txaus sab huv peb kuas peb ua tau lubneej zoo zujzug moog le nwg hab saib taug lwm tug kws nyob puagcig peb tej nub! 

Thov Vaajtswv

Vaajtswv tug muaj Fwjchim hab tug Dlawbhuv, thov koj paab kuas kuv ua tau lubneej kws ua rua koj txaus sab rua. Txawm le caag los kuv tu ncuas kev muaj lub sab mogmuas, ncaajnceeg hab ua ncaaj — cov nuav yog feem koj tub ua qauv qha ua ntus zug lug moog. Thov paab kuv kuas kuv pum txug qhov tsimnyog qhuas koj hab ua lubneej zoo rua huv koj. Ua koj tsaug kws koj muab tug Ntsujplig Dlawbhuv, tug kws hloov kuv kuas kuv ua tau lubneej zoo moog le koj os tug Tswv, huv Yexus lub npe. Kuv thov, Amees.