November 9-10, 2024

Nubnuav Nyeem-Kawm Vaajtswv Txujlug

November 9-10, 2024 

“Yexus has rua tug mivtub ntawd txiv has tas, “ua le caag koj has tas, yog koj paab tau? Yog leejtwg ntseeg, kuv yeej ua tau txhua yaam huv tuabsi.” — Malakus 9:23

Xaav Txug Tejlug Rua Nubnua

Txiv tug taag kev ca sab lug cuag Yexus hab xaav tau kev paab hab has yog koj paab tau, Yexus has tas thov paab! YOG? YOG! 

Yexus tau has tas tsi xob taag kev ca sab rua qhov tug kws muaj kev ntseeg yeej yuav tsi muaj ib yaam dlaabtsi kws nwg yuav tsi tau. Peb ntseeg Leejtxiv tug nyob sau ceebtsheej yog tug zoo rua qhov nwg yog peb txujsa kws yuav nyob moog ibtxhis, peb xaav tau nwg hab peb lawv nwg nqaab le nwg lub homphaj rua huv peb lubneej.  (Loos 8:28). Peb has tas peb ntseeg, ca peb thov nwg kuas peb muaj kev ntseeg kws lug ntawm tej kws peb tub cog lug tseg ib yaam le  Shadrach, Meshach, and Abednego. Puab peb tug nuav ntseeg Vaajtswv ua rua puab nyob huv ncubtawg los hluavtawg tsi kub hab puab muaj sab tawv qha rua rua Vaajntxwv Nenpukanexalees, “Peb ua Vaajtswv tug kws ua tau tegnum yuav coj tug peb tawm, tabsis txawm yog nwg tsi tso peb, peb tseem yuav teevtam pehawm nwg hab tsi pehawm ib tug tswv twg kws tug yog tug ncuav!” (Daniel 3:16-18)  Ca peb cog lug tseg tas peb yuav tsi tso Yexus tseg thaus peb tseem ua neej nyob kws peb yog tug ntseeg!!

Thov Vaajtswv

Nwgnuav peb tug Vaajtswv, tug peb ntseeg thov koj pub kuas peb muaj hab ua tau lubneej npuvthoob rua huv koj hab le koj muaj tug yaamntxwv, thov kuas koj yog tug Vaajtswv tsimnyog qhuas hab fwm moog ib ibtxhab ibtxhis. Huv Yexus tug muaj meejmom sab lub npe. Kuv thov, Amees.  (thov le muaj nyob huv Efexus 3:20-21)