Hmong Baptist National Association

November 14, 2024

—

by

HBNA Editor
in

Nubnuav Nyeem-Kawm Vaajtswv Txujlug

November 14, 2024 

“Nuav yog Nwg tug kws lug ntawm dej hab ntshaav — Yexus Khetos; tsi yog dlej xwb, tabsis yog dlej hab ntshaav. Hab nwg yog tug Ntsujplig tug ua timkhawv, rua qhov tug Ntsujpli yog qhovtseeb.  Muaj peb qhov ua timkhawv sau ceebtsheej: Leejtxiv, Txujlug hab tug Ntsujplig Dlawbhuv; hab peb tug nuav yog tuabtug. Hab muaj tug yaav ua timkhawv nyob nplajteb: tug Ntsujplig, dlej hab ntshaav;  hab peb yaam nuav puav leej yeem le tuabtug. Yog peb txaus sab rua teij lug timkhawv lug ntawm tuabneeg, Vaajtswv tug timkhawv tseem luj tshaaj; rua qhov nwg yog timkhawv ntawm Vaajtswv  kws yog Nwg has tau povthawj txug Nwg tug Tub. ” 1 Yauhaas 5:6-9

 

 Xaav Txug Tejlug Rua Nubnua

Peb txhua tug paub yaam twg yog yaam tseeb. Peb muaj kev ca sab txhua nub. Koj ca sab rua tug tuabneeg kws txua lub rooj  nyob. Koj tso sab rua tug tsaav dlaabhlau. Koj tso sab rua tug kwvtshuaj thaus lub sijhawm nwg phais. Koj tso sab rua tug kws ua zaubmov rua koj noj huv laab nojhaus. Peb ua neej nyob nrug kev tso sab, puas yog peb?  Hab peb tau txais tuabneeg tug timkhawv tug kws peb ca sab tau rua.  Peb yuav tsi muaj nyob tau nrug tuabneeg nplajteb yog peb tsi tau txais tuabneeg tug timkhawv tseeb.

Tabsis Yauhaas has, “Vaajtswv tug timkhawv yog tug lujdlua” (v. 9). Tug Ntsujplig Dlawbhuv yog Vaajtswv tug timkhawv. Thaus peb saib huv Tejnum 10:24-48, peb pum Petus tau has, hab thaus Petus siv Nwg tug kheej ua timkhawv hab Vaajtswv tejlug, tug Ntsujplig Dlawbhuv qha pum tas tuabneeg paub qhov tseeb.

Thaus kuv qhuabqha, kuv yuav tsi nyaav sab tas mej yuav xaav lecaag txug tej ntawd; thaus kuv qhuabqha rua ibtsoom suavdlawg, nwg puas yog Vaajtswv nyam le ntawd, kuj yog okay rua kuv vim kuv vaamkhom Nwg ua tug coj kuv. Ua ntej kuv qhuabqha, kuv txhuscaug txhua taagkig hab has tas, “Tug Tswv Vaajtswv, kuv thov koj tsaa hab siv kuv.” Tuab txug kev ntawd, ua ntej koj yuav ua timkhawv rua ibleeg ibtug twg, koj yuav tsum has tas, “Vaajtswv, thov koj has lug rua huv kuv.” Tug Ntsujplig Dlawbhuv yog tug txhawb tej lug timkhawv.

Thov Vaajtswv

Txiv tug muaj kev hlub hab taabncuab, koj txuj kev hlub muaj npluamag, thov muab lub qhovmuag pum tseeb paub txhua rua kuv kuas kuv ua tau timkhawv coj tau tuabneeg lug paub qhovtseeb sub qhov tseeb ntawd txhaj cawm tau puab dlim. Kuv xaav tau kuas kuv ua tau txhua yaam yeej tau tuabneeg coob le coob, txhwjxeeb yog tug kws muaj lub sab tseem tog paub Yexus. Huv Nwg lub npe, Kuv thov. Amees