November 15, 2024

Nubnuav Nyeem-Kawm Vaajtswv Txujlug

November 15, 2024 

“Peb tsi xob ua le puab, peb yuavtsum muaj lub sab hlub hab has lug tseeb, peb txhaj tau ua lub neej zoo rua txhua faab le Yexus Khetos tug kws yog lub cev lub taubhau.   …  Nwg muab tej ntawd lug sis txuas uake, nwg pub lub cev muaj qejtxhaa, yaagtxhaa sis dlhos uake. thaus tej teg taw ntawd nyag ua nyag teg dlejnum hab sis hlub sis paab lawm, lub cev txhaj yuav kheev hlub. Efexaus 4:15B-16

 Xaav Txug Tejlug Rua Nubnua

Qhov kev kws txhua yaam huv peb lubcev ua uake yog ib qhovzoo.  Kev sis txuas uake tau huv tej feem ntawm lubcev kuj yog taagnrho tej kws lubcev muaj hab yuav tsum muaj. Thaus Paulus has txug kev sis txuas, nwg tau has qhov thoobxeeb hab kuas ua tau dlejnum zoo. Kuv lub laujtxhib nwg txuas rua kuv saabnpaab, ntawm ua rua kuv saabnpaab lem moog muab tau yaam nua yaam u. Ntawd kuj ua rua Yexus lubcev los zoo hab muaj le ntawd, tabsis tuabneeg yuav khov sab ntsujplig yuav tsum muaj ntsujplig tej yaam txhaa. 

Cov roj huv Yexus lubcev yog kev hlub. Thaus peb ibleeg hlub ibleeg lawm, peb ibleeg yuav tsi muaj sab chim rua ibleeg, peb yuav tsi muaj chaws sis tib. Peb dlhau lug ua ib lubcev muaj kev lujhlub tau uake. Peb dlhau lug muaj tau zoo le Yexus Khetos. Peb yuav kheevhlub zoo, peb yuav zoo le peb lubcev yog koom ua uake, ntawd yog peb has tej lug tseeb huv kev hlub. Hab dlhau lug moog muaj kev sis hlub ntawm ibleeg rua ibleeg, hab Lubcev ua haujlwm uake tau rua lwm tug.

Thov Vaajtswv

Tug Tswv  muaj meejmom sab hab tug muaj kev hlub npluamag, thov koj pub tug Ntsujplig Dlawbhuv lug nrug kuv nyob hab coj kuv kuas kuv muaj kev hlub tau rua lwmtug hab lwmtug muaj kev hlub tau rua kuv. Vaajtswv yog peb ibleeg ua uake yuav ua tau rua tug kws tseem tog xaav paub Yexus lug ntseeg ntxiv. Txhwjxeeb thov koj pub kuas peb cov ntseeg muaj lub sab u aua tau ua kev rua huv Yexus lubcev. Huv Yexus lub npe, Kuv thov Amees.