December 2, 2024

Nubnuav Nyeem-Kawm Vaajtswv Txujlug

December 2, 2024 

“O tug Tswv kws yog peb cov yawmkoob tug Vaajtswv es, koj puas yog tug kws nyob sau ceebtsheej, hab koj puas yog tug  kaav txhua haiv tuabneeg huv nplajteb nuav taagnrho huv tuabsi, hab huv Koj txhais teg tsi yog txhais muaj fwjchim, hab muaj zug nchaav tsi muaj leejtwg tawmtsaam tau koj? Koj tsi yog peb tug Vaajtswv, koj yog tug ntab cov tuabneeg kws nyob ntawm nuav tsiv tawm  thaus koj haiv tuabneeg Ixayees lug nyob huv lub tebchaws nuav,  koj muab lub tebchaws nuav rua anplahaas tug kws yog koj tug phoojywg cov xeebntxwv nyob ua puab tug moog ibtxhis?  Hab puab nyob ntawm nuav, hab puab tsim tau ib lub tuamtsev rua koj lub npe fwm koj, has tas, “yog muaj ib yaam xwmtxheej dlaabtsi lug raug puab, tsi has tsuvrog, subtawg subntshaa, lossis kev tshaib kev nqhes — peb yuav tuaj sawv ntawm lub tuamtsev kws yog qhovchaw tuabneeg pehawm koj nuav saab hauvntej (vim Koj lub npe nyob huv lub tuamtsev nuav) hab quaj qha rua Koj txug peb tej kev txomnyem rua koj, hab Koj nov hab cawm. ” 2 Xwmtxheej  20:6-9

 Xaav Txug Tejlug Rua Nubnua

Tug Cev Vaajtswv lug has tas, “Kev sis tawmtsaam tsi yog mej le, tabsis yog Vaajtswv le”   (saib 2 Xwmtxheej 20:15). Tabsis mej muaj feem ua: mej feem yog qhuas, hab mej tsi xob tsiv nkaum txug thaus txhua yaam nuav dlhau moog.  Peb muaj coob tug yuav has tas,  “Vaajtswv, thov kuas txhua yaam nuav dlhau moog, thaus peb muaj yeej, peb yuav qhuas koj rua tej yaam nuav.” Tabsis Vaajtswv has, qhov zoo, “O tsi ua le ntawd. Kev tawmtsaam yog Kuv tug, tsi yog mej. Tabsis mej tsi xob tsiv nkaum txug thaus tej nuav dlhau. Mej yog cov kws yuav tau qhuas thaus chiv muaj, tsi yog thaus xaus.”

ທ່ານ ບໍ່ ສາມາດ ຍ້ອງຍໍ ຫລັງ ຈາກ ມັນ ສິ້ນ ສຸດ ລົງ ເພາະ ມັນ ຈະ ບໍ່ ສິ້ນ ສຸດ ລົງ ຈົນ ກວ່າ ທ່ານ ເລີ່ມ ສັນລະ ເສີນ. Nuav muaj ob yaam kev qhuas yuav tau ua: qhuas yog tsaav lug zug lug ntawm Vaajtswv, hab qhuas yog ua rua Vaajtswv cov yeebncuab lub zug ntaug hab swb. Thaus mej pib qhuas Vaajtswv, Vaajtswv lubzug luj zug nchaaav yuav ntxiv rua mej, hab nrug mej tawmtsaav mej cov yeejncuab.

Kuv xaav tsi thoob, mej puas tau kawm paub kev qhuas Vaajtswv thaus mej muaj teebmeem? Koj has tas, “kuv yuav tsi qhuas Vaajtswv thaus tub muaj tej teebmeem nua txug tog.”  Ces thaus ntawd tes tsuas yog mej yuav nyob ntxhuv nyo nrug tej ntawd, lossis yog mej qhuas Vaajtswv hab pum Nwg muab tej ntawd txaav.

Thov Vaajtswv

Tug Tswv Vaajtswv tug Muaj Fwjchim Luj kawgnkaus, ib puas tsaavyaam puavleej yog koj tug. Koj muaj fwjchim ua tau txhua yaam lug ntawm koj lu lug. Vaajtswv thov leeg txais kuv rua huv koj lub fwjchim. Ua koj tsaug rua koj siv koj lub fwjchim ua rua peb tau koobmoov hab koj lub fwjchim ntawd ua rua lub nplajteb nuav muaj tojroob hauvpeb ntsojntsuag ntsuab xwbxab zoo nkaus kuas peb pum. Huv Yexus lub npe, Kuv thov hab kuv qhuas koj. Amees.