December 4, 2024

Nubnuav Nyeem-Kawm Vaajtswv Txujlug

December 4, 2024 

 “Tug kws muaj sa hab ntseeg kuv, tug ntawd yuav tsi tuag ib zag le. Koj puas ntseeg kuv tej lug nuav?”— Yauhaas 11:26

 Xaav Txug Tejlug Rua Nubnua

Cov lug nuav yog Yexus cov lug has rua Mathas thaus lub sijhawm nwg tug nug tuag. Nwg ca sab tas nyaj Yexus yuav ua ibyaam dlaabtsi paab rua nwg tug nug kws tub tuag lawm. Tej yaam Yexus has kuj yuav ua rua pum tej kws muaj dlhau lug tau ob peb nub lawm. . Cov Ntseeg kws tuag saab nqaj tawv yeej yuav tsi cais tawm tau kev nrug Vaajtswv sis raugzoo kws nwg tub muaj nrug Yexus (Loos 8:32-39).  Puab lubneej yeej tau nrug Yexus nyob, hab puab kev tuag yeej yuav cais tsi tau paub tawm ntawm Yexus (Filipis 1:18-23).  Huv tej lug nubnuav, Yexus kuas peb paub meej txug txuj kev ntseeg tseeb: “tug kws tseem muajsa hab ntseeg kuv yuav tsi tuag ibzag le.” Koj puas ntseeg tas Vaajtswv yog tug tsim koj lujhlub thaus koj tseem nyob huv koj nam lubcev. (Ntawv Nkauj 139:13-16) Txawm yog koj lubcev tuag. Koj puas ntseeg tau tas koj tseem muajsa nyob huv Yexus? Kuv ca sab le ntawd vim rua qhov tej ntawd yog tej kws peb xaav tsi txug tabsis nwg yeej muaj tseeb! Peb saab ntsuabnrog, cevnqaj tawv hab tau koom lu ua ke nrug Yexus.  Nwg yaav pegsuab yog koom nrug peb vim rua qhov lug ntawm nwg  (Kaulauxais 3:1-4)! Yog le ntawd, peb ntseeg vim tej lug muaj kuab hab muaj tseeb?

Thov Vaajtswv

Vaajtswv tug Muaj Fwjchim, Kuv ntseeg vim rua qhov Yexus, kuv yuav tsi tuag, ntawd txhaj yog qhov yuav cais tsi tau kuv tawm ntawm koj rua qhov kuv txujsa hab kuv yaav pegsuab tau koom nrug Yexus. Thov foom koobmoov rua kuv os Txiv,  sub kuv txhaj yuav ua tau lubneej txhua lub sijhawm rua huv koj. Tuab lub sijhawm ntawd, Vaajtswv kuv saib ntsoov txuj xubke kws yuav pum koj timntsej timmuag.  Lub sijhawm nuav, thov paab kuv kuas kuv ua lubneej huv txuj kev ntseeg hab tsi ntshais. Huv Yexus lub npe. Kuv thov. Amees.