December 5, 2024

Nubnuav Nyeem-Kawm Vaajtswv Txujlug

December 5, 2024 

“Thaus mej thov Vaajtswv mej yuavtsum zaam txim rua tug kws tub ua txhum rua mej lawm. Yog mej ua le ntawd mej leejtxiv kws nyob sau ceebtsheej yuav zaam mej lub txim..”— Malakaus 11:25

 Xaav Txug Tejlug Rua Nubnua

Txujlug yog ib nqai lug kws lug ua rua pum txug yaam kws hum Vaajtswv sab huv Vaajtswv txujlug. Kuv yuav tsum tau zaam txim rua lwmtug! Thaus kuv tsi kaam leeg paub txug kev zaam txim rua lwmtug, kuv tsim tug ntswg, thaiv tug dlej ntawm txuj kev zaam txim kws Vaajtswv tub pub rua kuv lug lawm ntev. Kev zaam txim tsi yog ib yaam yoojyim rua peb ua. Nwg yog ib yaam nyuaj hab mob sab kawg nkaus. Txawm le caag los sij, Vaajtswv has kuas peb yuav tau ua hab nwg tau muab nwg tug Tub lug ua qauv rua kev zaam txim (Luka 23:34).  Yexus coglug tseg tas nwg yuav txhawb peb kuas peb ua tau lawv le nwg tug dlejsab lug ntawm tug Ntsujplig Dlawbhuv lub fwjchim (Efexaus 3:14-21) yog thaus peb hloov pauv tau zoo le nwg (2 Kauleethaus 3:18). Qhov tseeb tag: kuv puas yuav muaj cuabkaav moog ntsib tug kws nwg tau ua txhum rua kuv mob lawm? Kuas pum le nuav, thaus peb ceev tseg txuj kev chim kws lwmtug tau ua rua peb hab tsi muaj kev zaamtxim, tub yog peb raug khi ceevtseg lug ntawm yaam ntawd. Lawv le muaj tug has tseg, “Kev zaam txim yog kev peb tso tug noog huv lub pobthawb tawm moog nyob ywjpheej, kuas xaav txug tas koj kev zaam txim rua tug ua txhum rua koj mas zoo tuabyaam nkaus le ntawd tug noog koj nteg tau es koj muab tso tawm huv lub pobthawb moog lawm ntaag!” 

Thov Vaajtswv

Fwm txug Vaajtswv, kuv Leegtxim rua yaam nyuaj kws koj kuas kuv yuav tau ua kws kev zaamtxim rua tug kws tub tau ua txhum rua kuv lawm. Hab Txiv, kuv xaav muaj kev zaam txim rua tug kws nwg tub ua txhum rua kuv lawm kuas kuv paub zaam txim tau rua nwg. Txiv, thov qha kuv tas kuv yuav tsum tau ua lecaag kuv txhaj zaamtxim kws txhais tau has tas, kuv lubneej tub hloov lawm vim muaj koj nyob huv kuv. Huv Yexus lub npe. Kuv thov Amees.