December 6, 2024

Nubnuav Nyeem-Kawm Vaajtswv Txujlug

December 6, 2024 

“Rua qhov kuv tau txais lug ntawm tug Tswv kuv txhaj le muab qhuas rua mej:  Mo kws luas ntxeevsab rua tug Tswv Yexus, mo ntawd Yexus muab ib lub ncuavci lug, thaus nwg ua Vaajtswv tsaug taag nwg muab ndlais, nwg has tas, “lub ncuavci nuav yog kuv lub cev kws kuv muab paab mej. Mej yuavtsum ua le kuv ua nuav mej txhaj yuav ncu ntsoov kuv.” — 1 Kauleethaus 11:23-24

 Xaav Txug Tejlug Rua Nubnua

·         Ncu Txug Yexus!

·         Ncu txug nwg txujkev muab nwg tug kheej ua yaam khoom fij tseemceeb kawg nkaus.

·         Ncu txug kwv txuj kev hlub kws tsi muaj ibyaam dlaabtsi kws yuav lug pauv tau! 

·         Ncu txug nwg lug ntawm nwg rooj mov ua kevcai hlaa dlhau!

·         Ncu txug Yexus!

Thov Vaajtswv

Txiv, Ua koj tsaug rua koj txuj moobmoov rua kuv nrug cov zaubmov saab ntsujplig ua qhov rua kuv ncu txug koj kev hlub hab koj muab koj tug Tub Yexus lug ua qhov khoom fij rua kuv tau txais moog ibtxhis vim Yexus kws yog koj tug Tub lug tuag sau khaublig ntoo muab nwg tug kheej ua yaam khoom fij hloov kuv rov rua koj. Ua koj tsaug rua Yexus txuj kev tuag, kev sawv hab rov moog sau ceebtsheej lawm.  Kuv ncu txug nwg hab ua tsaug, os Txiv, kuv yuav ncu txug nwg moog txug nub kws tau noj Roojmov kws luj kawg nkaus nrug Yexus yaam zoo sab kawg kws Yexus tau has tas nwg yuav tsi txug cov thwjtim noj moog txug nub tau noj ua ke sau Vaajtswv lub tebchaws. Amees.