December 12, 2024

Nubnuav Nyeem-Kawm Vaajtswv Txujlug

December 12, 2024 

Tsi muaj kev txhawjxeeb, lossis kev phem kev qas sau Vaajtswv lub Roob Xi-oos. thoob nplajteb tsuas pum muaj cov tuabneeg paub tug Tswv nyob txhua txhua qhov, ib yaam le dlej havtxwv nyob txhua qhov.”— Yaxayah 11:9

 Xaav Txug Tejlug Rua Nubnua

Yaxayas yog tug qha txug lub sijhawm tug Mexiyas lu lug kawg yuav muaj lug  (Yaxayas 11:1-9). Peb yuav paub Vaajtswv ntawm peb tug kheej, hab cov timtswv kws muaj kev ncaajnceeg yuav hu nkauj txaus sab hlo rua qhov peb paub Vaajtswv. Peb yuav zoo sab hlo rua nwg txuj kev tsomkwm hab nyob tso sab plhuav tsi ntshais.  Zoo tuabyaam nkaus le havtxwv tugyeeg, txuj kev paub Vaajtswv yog tug Tswv yog yaam zoo tshaaj. Lub nplajteb yuav puv nkaus cov tuabneeg kws tub paub Vaajtswv lawm xwb. Txhua yaam kws tsim lug tau raug txhwv lug hab muaj kev paub txug Vaajtswv lub fwjchim kws tso peb dlim lug ua nwg cov mivnyuas (Loos 8:18-21). Ca peb ua cov muaj lub sab kub lug tog nub ntawd hab muaj kev txaus sab hlo huv peb lub sab lub plawv rua txuj kev nrhav Vaajtswv — kuas paub nwg hab paub nwg txuj kev hlub kws muaj rua peb lawm. Ca peb tsi xob muab peb lub sab faib rua ibyaam ib qhovtwg kws yuav ua rua peb tsi paub txug Vaajtswv, tabsis ca peb muaj lub sab dlawb paug lug cuag hab paub nwg lug ntawm tegnum peb qha rua lwm tug, tug yaam ntxwv, kev hlub le peb nrhav nwg huv peb lubneej.

Thov Vaajtswv

O, Txiv, thov coj kuv lug nyob ze koj. Kuv paub tas kuv nyob ze koj nwg yuav hloov tau kuv lubneej ntau npaum le caag!  Kuv xaav tau kuas koj yog kuv tug Tswv Yugyaaj zoo  kws yog tug tivthaiv kuv, ib tug kws yog koj cov yaaj.  Kuv xaav paub koj le koj yog tug Tswv Txhwm, tug Cawmseej hab yog Phoojywg le kuv tog nub dlhau nub kuas kuv lug nyob ze nrug koj yaam le Yaxayas tau has tseg ntau xyoo dlhau lug. Huv Yexus lub npe, kuv yuav lug nyob ze koj hab ua rua koj tau koobmeej nubnuav. Amees.