December 18, 2024

Nubnuav Nyeem-Kawm Vaajtswv Txujlug

December 18, 2024 

“Rua qhov tug Vaajtswv kws kaav tuabneeg lub sab nwg yeej tsi suav has tas, kev noj kev haus yog qhov tseemceeb. tabsis qhov kws nwg suav has tas, tseemceeb yog qhov kws tug Ntsujplig Dlawbhuv ua rua peb ua tuabneeg ncaajnceeg, nrug Vaajtswv sis humxeeb, hab ua rua peb zoo sab. Mej cov kws yog Yexus Khetos cov tubkhai, yog mej ua le ntawd mej yeej yuav ua tau hum Vaajtswv sab hab hum suavdlawg sab.— Loo 14:17-18 NLT

 Xaav Txug Tejlug Rua Nubnua

Thaus peb txaus sab rua txuj koobmoov kws peb tau tej nub, tej ntawd ua rua peb ncu ntsoov has Vaajtswv lug kaav tuabneeg lub sab tsi zoo le kev noj haus kws peb muaj. Rua qhov tug Ntsujplig Dlawbhuv yog tug nyob huv peb hab pub fwjchim rua peb, yog le ntawm txawm yuav yog yaam peb muaj lossis peb yog tug zoo lecaag, peb yeej yuav txaus sab ua Vaajtswv tsaug vim rua qhov tug Ntsujplig nrug peb nyob foom koobmoov rua peb lug cajsa huv peb.  Yaam kws zoo le yog yaam zoo, kev thaajyeeb hab kev zoo sab yuav tsi ca le muaj lug nyob tau huv peb; nwg yog yaam kws lug ntawm Vaajtswv tug nrug peb nyob ntawm tug Ntsujplig Dlawbhuv. Yog le ntawd yuav tau cim tas tug Ntsujplig Dlawbhuv yog qhov chim muaj yaam zoo nyob huv peb hab ntawd yog yaam kws peb muaj kev thaajyeeb hab txaus sab hlo.  Yuav tsi muaj dlaabtsi txawv yog tug Ntsujplig Dlawhuv kws nyob huv peb ua rua peb tau lug txais qhov khoomplig ntawm Vaajtswv, txawm yuav yog peb ua Vaajtswv tsaug hab tsi muaj los yaam kws Vaajtswv pub lug nrug peb nyob yuav yog yaam tshwjxeeb kws Vaajtswv pub rua peb!!

Thov Vaajtswv

O Txiv, ua koj tsaug rua txhua yaam koobmoov kws koj pub lug rua kuv. Ua koj tsaug rua tug Ntsujplig Dlawbhuv, tug kws hloov kuas kuv ua tau lubneej zoo le Yexus hab pub fwjchim rua kuv kuas ua tau lubneej zoo, kuv txaus sab rua txuj kev thaajyeeb hab kuv tso sab tau rua koj. Huv Yexus lub npe. Kuv Thov Amees.