December 21-22, 2024

Nubnuav Nyeem-Kawm Vaajtswv Txujlug

“Kuv xaav qha rua mej paub has tas, tug kws muaj Vaajtswv tug Ntsujplig tug ntawd tsi foom Yexus ib zag le. Tsi muaj leejtwg kaam leeg has tas, Yexus yog tug “Tswv”Ha tsuas yog tug kws muaj tug Ntsujplig Dlawbhuv txhaj leeg xwb.” — 1 Kauleethaus 12:3

Xaav Txug Tejlug Rua Nubnua

Has nubnua hab pheej has tsi tseg tas: “Yexus yog tug Tswv^{Jesus is Lord}.” Tabsis qhov luj tshaaj ntawm has ntawd, puas yog has tawm huv koj ntsuab plawv tuaj. Saib rua lu lug “tug Tswv” huv phoo txhais lug, hab nyeem cov lug txhais ntawd kws muaj nyob huv Vaajtswv txujlug phoo tshab. Qheb koj lub plawv, thov Yexus kuas yog koj tug Tswv huv koj lubneej rua txhua txuj xubke, hab ua lubneej cog tau lug tseg tas yuav ua nwg tug thwjtim le nwg cov thwjtim dlhau lug. Yexus yog tug Tswv! Le koj quaj hu rov, “Yexus yog tug Tswv!” ntawd yuav ua rua koj paub tas muaj tug Ntsujplig Dlawbhuv muab rua koj hab coj koj kuas koj has hab nwg nyob huv koj lubneej. Yexus yog tug Tswv txawm yuav yog paub hab tsi paub los nwg yeej yog tug Tswv. Txawm le caag los muaj ibnub txhua lub hauvcaug yuav pehawm nwg, hab txhua tug nplaig yuav leeg tas Yexus yog tug Tswv tug kws ua rua Vaajtswv kws yog Leejtxiv tau koobmeej. (Filipis 2:10-11) ໃຫ້ ເຮົາ ເຂົ້າ ຮ່ວມ ໃນ ຂະ ນະ ທີ່ ມັນ ສໍາ ຄັນ ທີ່ ສຸດ ສໍາ ລັບ ເຮົາ ແລະ ຕໍ່ ຄົນ ທີ່ ເຮົາ ຮັກ! ພຣະ ເຢຊູ ເປັນ ພຣະຜູ້ ເປັນ ເຈົ້າ!

Thov Vaajtswv

Txiv, koj yog Vaajtswv tug muaj Fwjchim. Ua koj tsaug rua qhov koj tsaa Yexus sawv huv txuj kev tuag lug moog nyob ntawm koj lub zwmtxwv saabxis lug ntawm koj lub fwjchim hab koj tsaa nwg ua Tswv hab tug Cawmseej. Kuv xaav tau koj tug Tub, Yexus lug ua kuv tug Tswv nubnuav hab kaav kuv lub plawv txhua txhua nub moog txug nub koj coj kuv moog tsev. Yexus le Thaumas tau leeg tas, yog “kuv tug Tswv hab kuv tug Vaajtswv My Lord and my God!” Kuv cog tau tej lug nuav vim lug ntawm tug Ntsujplig Dlawbhuv lub fwjchim hab kuv fwm txug lub npe Yexus Khetos, kuv tug Cawmseej, hab kuv tug Tswv. Amees.