December 23, 2024

Nubnuav Nyeem-Kawm Vaajtswv Txujlug

December 23, 2024 

“Tug Tswv es, kuv tsaa ncauj thov koj paab kuv; tug Tswv, koj yog tug kws tiv thaiv kuv; kuv tamneej nuav, koj yog tug kws kuv ntshaw tshaaj ib puas tsaav yaam huv tuabsi. Thov koj noog kuv lub suab hu koj paab, rua qhov kuv raug kev txomnyem nyuaj sab ntsuav; thov koj cawm kuas kuv dlim kuv cov yeebncuab txhaisteg, puab lub zug nchaav dlua kuv lub zug. Thov koj tso kuv dlim huv txujkev nyuaj sab, kuv yuav qhuas koj taabmeeg koj haiv tuabneeg, thaus suavdlawg tuaj txoos uake, rua qhov koj ua sab dlawb sab zoo rua kuv.’” Ntawv Nkauj 142:5-7

 Xaav Txug Tejlug Rua Nubnua

Zaaj dlaabtsi ua rua koj kawm txug yaam taabtom muaj nyob huv peb lubneej? Zaaj dlaabtsi kws peb kawm paub txug peb lubneej nub dlhau nub txawm yuav yog peb laug lossis hluas?  Zaaj ntawd yog le nuav: hlub Yexus taagnrho tawm huv koj lub plawv tuaj.

Yog has tas koj raugmuas, tes has tas “tug Tswv paab kuv.” Yog koj muab tsi tau taagnrho koj tug kheej rua tug Tswv Yexus Khetos tes has  “tug Tswv, kuv xaav txug koj. Thov paab kuv.” Nwg nov koj tej lug: Nwg yuav paab koj. Tsi xob ua txuj txu koj tas koj tsi muaj. Has “tug Tswv, nuav kuv nyob ntawm nuav. Nuav yog qhov kuv xaav nyob. Thov paab kuas kuv kheevhlub.” Vaajtswv yuav pib nrug koj ntawm qhov koj nyob hab coj koj moog txug qhov koj yuav moog txug hab nyob.  Tsi xob ua dlaim phobntsaa ntis thaiv Vaajtswv.  tsi xob ua tug ua txuj. Tsi xob dlaag tug Ntsujplig Dlawbhuv. Tsi xob ua tug luj tshaaj le ua tau. Tsi xob ua tug ntsejmuag ncaaj sab nkhaus.  Ua tug tag hab qhov tseeb. Vaajtswv hlub koj. Vaajtswv yuav paab koj. Vaajtswv yuav txhawb koj lub zug. Vaajtswv yuav tsomkwm koj. Vaajtswv yuav coj koj txuj hauvkev. 

Kuv yuav qha koj txug ibyaam, hab yuav ua tuab zoo has, paub tseeb tas Vaajtswv noog nroov koj. Kuv yog tug tag.  Kuv paub tas kuv yuav ua tsi tau le tug kuv ua tau, tabsis kuv yog tug tag tag. Koj has “Koj yog tug has qhov tseeb”.  Ca Vaajtswv pib huv koj ntawm qhov koj nyob. Hab Vaajtswv yuav coj koj moog rua qhov kws koj yuav tau moog.

Thov Vaajtswv

Vaajtswv tug muaj Fwjhchim, kuv ua koj tsaug kws koj yog tug pum hab cob qha kuv rua txuj kev kws tsimnyog kuv yuav taug. Thov lug paab kuv hab pub kuas ua moog txug qhov koj xaav kuas kuv moog txug huv kuv lubneej. Thov tug Ntsujplig Dlawbhuv coj kuv hab qha kuv ua kuv lubneej rua huv txuj kev ncaajnceeg hab kuv yog tug tag tag. Huv Yexus lub npe. Kuv thov. Amees.