December 24, 2024

Nubnuav Nyeem-Kawm Vaajtswv Txujlug

Christmas Eve 2024 

“ Taamsim ntawd muaj ib paab timtswv sau ceebtsheej coob coob lug nrug tug timtswv ntawd uake hu nkauj qhuas Vaajtswv has tas: “Cale qhuas tug Vaajtswv muaj koobmeej kws nyob sau ceebtsheej. hab thov kuas tej tuabneeg nplajteb txhua tug kws ua hum Vaajtswv sab, tau nyob kaajsab lug!’” Luka 2:13-14

 Xaav Txug Tejlug Rua Nubnua

Thaus kuv xaav txug peb kev ntseeg, kuv pum Vaajtswv lug nyob rua huv peb hab zoo le leejnam kws kws muaj teebmeem le nwg has tas,  “Kuv tub mivnyuas txhwjxeeb, kuv hlub koj kawg nkaus le, kuv yuav ua lecaag ua qha rua koj paub tas kuv hlub koj npaum lecaag?” Yexus yog tug teb qhov lug nug ntawm qhov teebmeem nuav.  Kuv lug qha txug Vaajtswv muaj nploojplawv hub, Vaajtswv txuj kev xaav, hab Vaajtswv kev hlub. Vim lecaag tug Cawmseej yug?  Nwg yog tegnum Vaajtswv kev cawm. Vim lecaag tug Cawmseej yug? Nwg yog tegnum ntawm kev tshwjsim. Vim lecaag tug Cawmseej yug? Nwg yog tegnuam tsim khuv dlua tshab, ntawd txhaj yog qhov peb yug dlua tshab, lug ua lubneej nyob rua huv Vaajtswv vim rua qhov Vaajtswv tsim peb puag thaus chiv thawj lug lawm.

Thov Vaajtswv

Vaajtswv, thov qheb kuv lub sab saab ntsujplig kuas pum txug koj txuj kev Hlub kuv hab hlub tug kws pluj lawm.  Koj tau tso Yexus lug yug ua tuabneeg kuas coj tau kuv hab tuabneeg nplajteb lug cuag tau koj. Kuv xaav qha rua lwm tug paub tas, koj lug yug kuas kuv hab tuabneeg muaj tug Cawmseej.  Kuv ua koj tsaug hab qhuas koj kws koj tau tso koj tug Tub Yexus Khetos lug yug ua nplajteb tug Tswv hab tug Cawmseej. Huv Yexus lub npe, kuv thov. Amees.