December 26, 2024

Nubnuav Nyeem-Kawm Vaajtswv Txujlug

December 26, 2024 

“Koj yuav tsi muaj feem tau lug nrug peb koom ua txuj dlejnum nuav ib zag le, rua qhov Vaajtswv paub tas, koj lub sab tsi ncaaj.   Koj cale tso plhuav tej kev phem kws koj xaav ko tseg, hab thov Vaajtswv zaam tej kws koj lub sab xaav phem ntawd huv tuabsi. 23Rua qhov kuv pum tas, koj yog ib tug tuabneeg sabhlub, hab koj tej kev phem tub khi koj lawm, koj yuav nti tsi dlim le.” Ximoos has rua Petus hab Yauhaas tas, “thov meb thov Vaajtswv paab kuv, kuas kuv tsi xob raug tej xwm kws meb has ntawd ib qho le.” Tegnum 8:21-24

 Xaav Txug Tejlug Rua Nubnua

Muaj coob leej ntau tug tau has tas, “Kuv yog ib tug ntseeg,” tabsis peb tsi tau dlim.  Koj paub lub homphaj, tabsis koj tsi paub tug Tuabneeg kws npaaj lub homphaj.  Koj pum tej kws Vaajtswv tub ua tav, tabsis ntawd tsi ua rua koj hloov koj lub plawv lawm lecaag. Koj has tas, “Well, muaj Vaajtswv txujlug has tas, ‘Ntseeg tug Tswv Yexus Khetos, hab koj yuav dlim (Tegnum  16:31)?” Yes, nwg has.  Vaajtswv Txujlug tseem has tas, “Txawm yog dlaab los ntseeg —hab ibce tshee nyo!” (Yakaunpaus 2:19). Ntawd kuj yog txuj kev ntseeg tsi tseeb; kev ntseeg le ntawd yuav tsi ua rua nwg lug hawm hab txhucaug rua ntawm Yexus Khetos, hab tsi kaam leeg paub Yexus Khetos yog tug Tswv le dlaab, vim dlaab tsi kaam txhucaug pehawm Yexus. 

Yauhaas 2:23-24 has tas, “Nwgnuav thaus Nwg nyob huv Yeluxalees lub caij ua Kevcai Hlaa Dlhau, muaj coob tug ntseeg Nwg thaus puab pum nwg ua tej txujci. Tabsis Yexus tsi ca sab rua puab, rua qhov nwg paub puab txhua tug lub sab. Koj yuav tsi pum nyob rua huv Vaajtswv txujlug lu lug Amelika, tabsis huv cov lug Kilis koj yuav pum lu lug “Ntseeg” hab “Coglug” yog tuab lu lug, tabis tsuas yog txhais txawv. Yog le ntawd koj yuav has “Kuv coglug tseg rua Nwg, tabsis Nwg tsi coglug nwg tug kheej rua puab.” Lossis  “Coob tug ntseeg Nwg, tabsis Nwg tsi ntseeg puab sab.” Puab kev ntseeg Nwg tsuas zoo le Ximoos tug tuabneeg txheev dlaab, tabsis Nwg tsi ntseeg puab.

Tug Tswv paub koj lub plawv. Tej zag koj yuav taugkev tshuav thov Vaajtswv tujtawg, tabsis Nwg paub tas tej kws koj ua ntawd yog ua txuj ua rua luas pum tas koj yog tug ntseeg xwb. Koj kev ntseeg puas tau txaug hab npawm kuas dlu lug le thaus koj leeg, lossis koj txuj kev ntseeg yog kev ntseeg dlaag nrug cov lug thaus koj has hab koj teb luas?

Thov Vaajtswv

Vaajtswv, Leejtxiv tug muaj Fwjchim. Kuv ua koj tsaug kws koj tso Yexus lug qha koj txuj kev hlub kuas kuv lug ntseeg tes kuv dlim. Thov Koj lug kaav kuv lub sab lub ntsw kuas kuv tsi xob laam yog tug ntseeg kws laam lug ntseeg koj. Kuv ntseeg hab kuv cog lug tseg tas, “Koj yog kuv tug Tswv hab kuv tug Vaajtswv.”  thov koj pub kuas kuv ua tau lubneej kws hum koj sab huv tug Tswv Yexus lub npe. Kuv thov hab qhuas, Amees.