December 27, 2024

Nubnuav Nyeem-Kawm Vaajtswv Txujlug

December 27, 2024 

“Txaus sab hlo rua kev ca sab, ua sab ntev thaus raug tximtxom, kub sab lug rua kev thov Vaajtswv – Be joyful in hope, patient in affliction, faithful in prayer.”— Loos 12:12

 Xaav Txug Tejlug Rua Nubnua

Yuav ua lecaag peb txhaj cheem tau yaam xwmtxheej kws lug rua peb qaugzug?

ເຮົາຈະປົດປ່ອຍຕົວເອງຈາກຂໍ້ຈໍາກັດຕ່າງໆທີ່ຊີວິດມີຜົນກະທົບແນວໃດ?

Nqai lug kawg huv Paulus cov lug has tseg txug qheb qhovrooj dlua rua lwm ob qhov muaj tseeb — peb yuav txaus sab rua kev ca sab hab ua sab ntev rua kev tximtxom rua qhov peb tau muaj lub sab kub lug thov Vaajtswv. Txawm yuav yog muaj yaam dlaabtsi, peb yuav tau muaj kev kub sab lug thov Vaajtswv rua qhov peb kev ca sab nyob huv Yexus Khetos. Peb tseem yuav ua tau sab ntev, peb tiv dlhau  yaam kev tximtxom, lug ntawm peb muab lug has hab thov tsi tu ncuas rua Vaajtswv nrug kev ua tsaug. Kev thov Vaajtswv yog ib txuj koobmoov kws Vaajtswv muab lug rua peb ua yog le ntawd peb yuav tau ua sab ntev hab txaus sab hlov rua, txawm yog has tas yaam ntawd nwg zoo le tsi tshuam zoo.  Peb yuav txaus sab hlov rua kev ca sab hab ua sab ntev rua tej kev tximtxom vim rua qhov peb yog cov muaj sab kub lug thov Vaajtswv! 

Thov Vaajtswv

Txiv, kuv ua koj tsaug vim txawm yuav yog kuv muaj kev teebmeem, koj yeej tsomkwm kuv hab kuv muaj yeej lug huv Yexus Khetos. Kuv ua koj tsaug, fwm txug Vaajtswv rua qhov txawm kuv muaj tej yaam nyuaj lossis tej kws ua rua kuv lub ntsejmuag sabploog, kuv paub koj yuav paab kuv kuas dlhau yaam ntawd hab coj kuv rov qaab nyob rua ntawm koj nrug kev txaus sab hlo rua.  Yog le thaus txug nub ntawd, kuv yuav muaj yeej, thov koj pub kuas kuv tsi txhob poob sab vim koj muaj fwjchim ua rua kuv muaj kev ca sab lug ntawm koj tug Ntsujplig Dlawbhuv. Huv Yexus lub npe, Amees.