Hmong Baptist National Association

January 14, 2025

—

by

HBNA Editor
in

Nubnuav Nyeem-Kawm Vaajtswv Txujlug

January 14, 2025 

“Vaajtswv yuav tsi rau txim rua tug kws ntseeg Vaajtswv tug Tub, tabsis Vaajtswv tub rau txim rua tug kws tsi ntseeg Vaajtswv tug Tub lawm, rua qhov tug ntawd tsi ntseeg Vaajtswv tuableeg Tub. Vaajtswv rau txim rua tuabneeg, rua qhov Vaajtswv tub ua qhovkaaj ci lug rua huv nplajteb nuav lawm. Tabsis tuabneeg nyam qhovtsaus heev dlua nyam qhovkaaj, rua qhov tuabneeg yeej nyam ua phem.  Tug kws nyam ua phem tug ntawd yeej tsi nyam qhovkaaj. Nwg tsi kaam lug nyob huv qhovkaaj, rua qhov nwg ntshai nyob tsaam suavdlawg pum nwg tej kev txhum. Tug kws nyam ua lawv le qhovtseeb, tug ntawd yeej yuav lug nyob huv qhov kaaj kuas suavdlawg pum has tas, nwg ua tej kws hum Vaajtswv sab.”— Yauhaas 3:18-21 NLT

 

 Xaav Txug Tejlug Rua Nubnua

Thaus peb muaj lub plawv quajdlig lug nrhav, hab lug nyob ze Vaajtswv hab ua phoojywg nrug nwg, tub yog peb txaav lug nyob ze Nwg Qhovkaaj.  Peb tsi ntshai tas, peb kev txhum yuav nthuav rua lwm tug pum vim peb tub lug nyob huv qhov kaaj huv Vaajtswv kev hlub. [Efexaus 1:1-7; Loos 5:6-11.1] hab cog lug ua lubneej nrug Vaajtswv moog hab ua zoo ua rua lwm tug pum Vaajtswv txuj kev hlub kws tsi muaj xaus nyob huv peb.  Peb xaav kuas tuabneeg nplajteb paub tas Vaajtswv hu peb tawm ntawm txujkev tsausntuj lug nyob huv Nwg Qhovkaaj. 1 Petus 2:9-10.  Peb xaav kuas peb yog coj pum tseeb tseeb huv Vaajtswv Qhovkaaj rua lwm tug pum hab pum Yexus hab tau lug nyob rua nwg txujkev cawm dlim hab muaj phoojywg nrug Nwg.

Thov Vaajtswv

Vaajtswv tug muaj fwjchim lub kawgnkaus. Koj yog tug ncaajnceeg, tug muaj kev hlub, tug dlawbhuv hab npuvnpos txuj kev zoo.  Koj yog “Vaajtswv, tug foom koobmoov hab tug kaav, tug Vaajntxwv ntawm txhua tug vaajntxwv, tsuas yog koj tuableeg txhaj yog tug tsi txawjtuag hab yog tug tsi muaj ibyaam dlaabtsi lug pev txug koj qhovkaaj.“  Koj pumzoo caw peb hab xaiv peb lug ntawm koj tug Tub Yexus. Koj tug Tub hab peb tug Cawmseej, lub Teeb huv peb lub sab. Ua koj tsaug. Kuv qhuas koj, kuv coglug rua koj tas, kuv yuav caw lwm tug kuas lug cuag koj hab ua phoojywg rua koj lug ntawm Yexus. Amees.