January 24, 2025

Nubnuav Nyeem-Kawm Vaajtswv Txujlug

January 23, 2025 

Nqai Lug Rua Nubnua

“Cov tuabneeg tau koobmoov, yog cov kws tsi ua lawv le cov tuabneeg sab phem tej lug haub ntxag, hab tsi xyum coj cwjpwm lawv le cov tuabneeg ua txhum lossis cov tuabneeg tsi fwm Vaajtswv. – Blessed is the man who does not walk in the counsel of the wicked or stand in the way of sinners or sit in the seat of mockers.— Ntawv Nkauj 1:1

 Xaav Txug Tejlug Rua Nubnua

Feem ntau kev txhum hab lubneej tsi muaj Vaajtswv tug yaamntxwv yog tug yeebyaam le pum qhov tsizoo.   Txawm le ntawd los, txuj kev Vaajtswv foom koobmoov yog txujkev hlub ntawm Vaajtswv.  Nwg tug dlejsab yog peb ua qhovzoo, nwg cov lug cogtseg yog qhovdlej txhawv lug ntawm nwg kev hlub hab tivthaiv, hab nwg txuj kev yog txuj kev moog txug txujsa. Peb tau koobmoov yog thaus peb taugkev nrug Vaajtswv moog hab ua tej kws hum nwg sab.

Thov Vaajtswv

Zaamtxim rua kuv, Txiv, vim rua qhov kuv pheej ntseeg tej yaam tsi muaj tseeb nyob huv lub nplajteb nuav lug ntawm Xataas. Kuv paub tas kev txhum coj kev puamtsuaj hab teebmeem lug.  Kuv tseem paub ntxiv tas yog xaiv yaam zoo, sawv nregnree qhovtseeb, hab ua lub neej muaj kev ntseeg rua koj yog ib txujkev nyuaj kawg. Thov paab kuv lub plawv kuas muaj kev ntseeg hab kuv kev xaav kuas pum tas kev nrug koj moog yog kev cawm kuv txujsa. Huv Yexus lub npe, Kuv thov tejnuav. Amees.