February 13, 2024

February 13, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Cov kwvtij es, yog muaj ib tug has tas, nwg yog tug ntseeg, tabsis nwg tsi ua nwg lub neej lawv le nwg ntseeg, yuav muaj nqes dlaabtsi? Nwg txujkev ntseeg puas yuav paab tau nwg dlim nwg tej kev txhum? Yog mej pum cov ntseeg, tsi has quaspuj txivneejoj puab tsi muaj noj tsi muaj naav, mej ca le has rua puab has tas, Thov Vaajtswv foom koobmoov rua mej kuas mej muaj noj muaj naav, tabsis mej tub tsi muab ib yaam dlaabtsi rua puab, mej has le ntawd es yuav muaj nqes dlaabtsi? Txujkev ntseeg los, kuj ib yaam nkaus le ntawd. Yog mej has tas, mej ntseeg tabsis mej tsi ua ib txug haujlwm dlaabtsi paab lwm tug, mej kev ntseeg yeej tsi muaj nujnqes hlo li.” (Yakaunpaus James 2:14-17)

Xaav Txug Tejlug Rua Nubnua

Koj yuav tsi dlim lug ntawm kev ntseeg hab ua num, tabsis koj dlim ntawm kev ntseeg kws ua dlejnum.  Yog koj kev ntseeg tsi hloov koj lubneej, koj yuav tau hloov koj kev ntseeg. Thaus Vaajtswv ua ibyaam rua huv koj lub sab hab huv koj lubneej, nwg yeej yuav pum. Yog koj has tas, “vel, Kuv ca sab rua Nwg tabsis kuv yuav tsi ua dlaabtsi rua nwg. Kuv yuav tsi sawv nrug nwg ua dlaabtsi,” ces koj tub tsi tau ntseeg Nwg tag.

Kev ntseeg kws tsi ua num yog tub tuag lawm.  yog peb tsuas taug kev yuav cawm tsi tau peb ibleeg ibtug, tabsi nwg tsuas ua qha tas yuav cawm tau nqee tug. Yexus has tas, “Yog leejtwg txaajmuag qha rua cov tuabneeg dleev luas lwmtug hab cov tuabneeg txhum tam nua has tas, nwg yog kuv tug thwjtim, ces thaus TuabNeeg Leejtub tug kws muaj Leejtxiv lub fwjchim nrug cov tubkhais sau ceebtsheej lug, nwg yuav txaajmuag leeg has tas, tug ntawd yog nwg tug thwjtim.” (Malakaus 8:38). Koj pum, kev ntseeg ua lug teb qha rua tuabneeg txug Vaajtswv.  Tegnum rua ua peb paub tas nwg kev ntseeg ntawd muaj tseeb.  Yog peb muaj kev ntseeg le Paulus ntseeg, peb muaj kev ntseeg ua dlejnum le Yakaunpaus has-ntawd txhaj peb muaj kev ntseeg.

Kev Thov Vaajtswv

Vaajtswv tug Dlawbhuv Kawgnkaus, tswj kuv lub sab kuas kuv kov yeej yaam kev sim sab ntawm tej kev txhum.  Kuv xaav tau kuas kuv muaj lub sab npuvntoob rua koj. Thov koj zaam txim rua kuv yaav taag lug, lug ntawm koj kev hlub hab koj cov lug,  thov tug Ntsujplig Dlawbhuv txhawb kuv lub zug kuas kuv kovyeem txhua yaam kev sim sab lug ntawm Xataa siv lug cais kuv tawm ntawm koj. Kuv tuav huv Yexus Khetos lub npe thov. Amees.