Hmong Baptist National Association

February 16, 2024

—

by

HBNA Editor
in

February 16, 2024
Nubnuav Nyeem-Kawm Vaajtswv Txujlug

 

Nqailug Rua Nubnua

“Tomqaab ntawd Vaajtswv has tas, Nwgnua peb ca le tsim tuabneeg muaj yaamntxwv zoo le peb. tuabNeeg yuav kaav tej miv ntseg, miv noog, miv tsajnyeg tsajqus, miv naab miv qaav, hab miv kaab miv ntsaum taagnrho huv tuabsi.”— Chivkeeb Genesis 1:26

Xaav Txug Tejlug Rua Nubnua

Peb yog yaam kws Vaajtswv tsim, peb yog yaam kws tseemceeb tshaaj le tej tsajtxhus. Nwg kuj muaj tej yaam txawv hab tseemceeb txug tuabneeg yog yuav muab pev rua txhua yaam kws Vaajtswv tsim. Vaajtswv tsaa peb muaj cai kaav taagnrho txhua yaam kws Vaajtswv tsim nyob huv lub nplajteb. Tabsis “Kaav” tsi yog limham hab tsimtxom! Vim rua qhov txhua yaam puav leej yog Vaajtswv tsim zoo kawgnkaus rua nwg tug kheej (Nkauj Qhuas Vaajtswv 19:1-4; Loo  1:20), peb tsi tsimnyog ua limham rua yaam kws Vaajtswv tub tsim lug lawm es Vaajtswv has tas zoo kawgnkaus. Tsim zoo le Vaajtswv txhais tau has tas, kaav hab saib yaam Vaajtswv tub tim lawm lug ntawm hlub, taabncuab, hab tu tshis txhua yaam kws Vaajtswv tsim hab tso cai rua peb muaj fwjchim tswjkaav. 

Kev Thov Vaajtswv

Leejtxiv, thov paab kuas kuv pum yaam koj tsim lug lawm kws koj has tas, zoo kawgnkaus hab koj txaus sab rua lawv. Thov koj ceev kuv lub sab kuas kuv tsi xob ua saib tsi taug lossis ua limham rua yaam koj tub tsim es koj has tas, zoo kawgnkaus. Kuv ua koj tsaug kws koj tsim tej ntawd lug hab muab rua kuv kaav hab saib, hab siv moog rua qhov tsimnyog.  Thov kuas kuv lubneej hab qhov kws kuv xaiv tsi xob yog yaam ua rua yaam koj tsim lug lawm puamtsuaj. Huv Yexus Lubnpe kuv thov. Amees.