March 7, 2024

March 7, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Tug Tswv lug rua kuv pum, has tas, ‘Yes, kuv hlub mej yuav muaj moog ibtxhis, yog le ntawd lug ntawm kuv muaj sab hlub mej yuav nyob ze mej ’” (Yelemis Jeremiah 31:3

Xaav Txug Tejlug Rua Nubnua

Vaajtswv tsim Adaas hab Evas, hab Nwg muab txhua yaam rua obtug le obtug yuav tsum muaj.  Tsi muaj leejtwg yuav has tau has tas, Vaajtswv tsi hlub obtug. Tsi muaj leejtwg yuav has tau tas, Vaajtswv tsi muab ibyaam dlaabtsi twg rua obtug.  Tsi muaj leegtwg yuav has tau tas, Vaajtswv tsi nrug obtug nyob. Tsi muaj leejtwg yuav has tau tas, Vaajtswv tsi qha obtug. Nwg tub yeej ceebtoom rua obtug paub txug yaam pegsuab tas kuas obtug ua tuabzoo noog Vaajtswv lug obtug txhaj tsi poob rua txuj kev tuag, yog ua le Vaajtswv has txhaj tseem yog noog Vaajtswv lug. Lug ntawd koj txuj kev xaiv hab muaj kev ywjpheej, obtug txhaj tawmtsaam txuj kev hlub.

Tejzag koj yuav yog nam hab txiv zoo hab cov mivnyuas tsi noog has. Tabsis yog nyeem Vaajtswv txujlug yuav ua rua koj kawm paub tas, ntawd koj hab cov mivnyuas los yuav zoo tuabyaam nkaus le ntawd.  Vaajtswv yuav pum koj cov mivnyuas, puab ca le ua tsi zoo rua puab tugkheej hab rua lwmtug tau txais yaam kws puab ua tsi zoo. Thaus zoo le nuav lawm koj ua nam ua txiv yuav tu sab kawg le vim lecaag puab tsi noj lug noog has puab txhaj ua tej yaam tsi zoo rua puab tug kheej hab lwm tug ca le tau tej ntawd nrug puab. Vaajtswv saib sau Ceebtsheej lug taamsim nuav nwg yuav pum nwg cov mivnyuas ntxeevsab hab tsi ua le nwg tej lug has, tabsis Vaajtswv yuav tsaa Nwg txhais teg huv txuj kev hlub hab has tas,  “Ca le lug cuag Kuv Come to Me.”

Kev Thov Vaajtswv

Vaajtswv tug muaj Txujsa nyob moog ibtxhis, kuv zoo sab kws koj tseem hlub hab has rua kuv has “Cale lug cuag Kuv.”   Thov koj ua sab ntev kuas lug tau lug ua koj tug mivnyuas vim koj txujlug cogtseg kws koj muab rua kuv huv Yexus Khetos. Kuv ua koj tsaug hab thov Vaajtswv huv koj tug tub Yexus lub npe, Kuv thov. Amees.