March 8, 2024

March 8, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Ixayees es, kuv yuav yuav koj ua kuv tug moog ibtxhis, kuv yuav ua sab dlawb paug rua koj, hab muab sab npuab koj. Kuv yuav najnub hlub koj tsi tseg, hab ua zoo rua koj, kuv yuav yuav koj ua kuv tug moog ib txhis. Kuv yuav ua lawv le kuv tej lug cog tseg, kuv yuav yuav koj ua kuv tug, koj yuav leeg has tas, kuv yog koj tus TSWV.” Hauxeyas Hosea 2:19-20

Xaav Txug Tejlug Rua Nubnua

Vaajtswv ua sab ntev thov cov Ixayees kuas muaj sab npuab  nwg tuagthi.  Txawm yog yaav dlhau lug puab tsi muaj sab npuab los Vaajtswv tseem muab rua nwg tsaav tuabneeg yog kev zaamtxim hab muaj kev casab, muab taag los muab dlua, ua le nuav kuas puab rov lug cuag nwg hab muaj kev phoojywg nrug nwg. Nwgnua Vaajtswv txhaj rov lug cuag puab lug ntawm txujlug cogtseg tshab, Yexus pawgntseeg, muab rua puab lug ntawd nwg coglug cogtseg huv Yexus kev ua sab ntev hab sawv huv qhovtuag rov lug. vim has tas tug Tswv kaam them ib tug nqe sab kawgnkaus txhwv peb  (2 Kauleethaus – Corinthians 11:2-3) rua nwg tugkheej, moog ibtxhis, huv nwg kev hlub, kev ncaajnceeg, peb YUAVTSUM teb hab txaus sab hab noog nwg lug sub peb txhaj tau nrug nwg koom ua kev zoo sab rua Yexus roojtshooj nrug nwg tug nkaujnyaab (Tshwmsim Revelation 19:9, 7-8). Ca peb leeg paub tug Tswv hab ua lubneej ncaajnceeg koom nrug nwg nub kev zoo sab ntawd!

Kev Thov Vaajtswv

Fwm txug Leejtxiv tug nyob sau Ceebtsheej, Vaajtswv tug muaj lub sab ntev, tug zaamtxim ua peb kws yog koj tsaav tuabneeg— Thov zaamtxim rua yaam peb tau ua tsi ncaajnceeg rua koj. Thov qheb peb lub qhovmuag kuas pum txug koj kev hlub.  Thov paab peb kuas peb yuav teb koj hab noog koj lug, hlub, hab ncaajnceeg. Huv Yexus lub npe, Kuv thov. Amees.