March 14, 2024

March 14, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Tej kws koj totaub, hab tej kws koj paub txhij paub txhua yuav tsomkwm koj,” — Paajlug Proverbs 2:11

Xaav Txug Tejlug Rua Nubnua

Kuv tau ua tej yaam ua yaumkev luj kawgnkaus thaus kuv maaj txavtxim sab, thaus kuv cov lug tseg, hab thaus kuv npaaj ua yaam ntawd—thaus kuv tsi ca kuv muaj sijhawm xaav kaus ntxawg ntxawg rua tej yaam kws kuv txavtxim sab ua ntawd. Thaus kuv tsi ca kev totaub hab paub txhij paub txhua kaav,  yuav ua rua kuv nov qaab yaam kws kuv tub txawj ua dlua lug, tshwjxeeb yog thaus kuv ca le ua tej yaam kws Vaajtswv tsi tau pum zoo rua kuv ua. Kev totaub yog lug ntawm kev ua sab ntev tog, nrhav, ca sab tog Vaajtswv kev coj lug ntawm tug Ntsujplig Dlawbhuv ua tug coj hab lub sab ntej yuav ua rua yaam kws yug txavtxim sab ntawd yog qhov yog hab qhov ntawd txhaj yuav tsi nkim lub zug lossis nkim yug lub sijhawm.

Kev Thov Vaajtswv

Vaajtswv, thov novqaab kuv. Kuv paub tejzag kuv tug xeebceem ca le ua rua kuv maaj dlua le qhov koj xaav muab rua kuv kuas kuv totaub. Zaamtxim rua kuv lub sab twmzeej kws kuv ca le tsi ncu nqaab tog hab ua tuabzoo nrhav. Thov paab kuv, tug TSWV, kuas kuv pum lug ntawm tej kev sijsuam sub kuv txhaj tsi novqaab tog koj. Huv Yexus Lub npe, Kuv Thov. Amees.