April 18, 2024

April 18, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Mej ca le tsaa muag saib lub ntuj hab lub nplajteb. Lub ntuj yuav pluj ndlais moog, yaam nkaus le tej paatawg, lub nplajteb yuav qub yaam nkaus le tej tsoogtsho qub, tej tuabeeg yuav tuag yaam nkaus le tej yoov tuag. Tabsis kuv txujkev cawm dlim yuav paab tau moog ib txhis, hab kuv txujkev muaj yeej yuav tsi muaj nub xaus.”— Yaxayas Isaiah 51:6

Xaav Txug Tejlug Rua Nubnua

Kuv tsi paub txug koj, tabsis tejzag Vaajtswv txujlug yuav ua rua koj nyuajsab!   Peb khwvyees txug tej nubqub hab ib puas tsaavyaam sau ntsuabntuj tau muaj nyob lug lawm ntev. Peb xaav tas nwg tseem yuav nyob moog ntxiv rua yaam tomntej. Tabsis Vaajtswv ceebtoom rua peb tas, tej has lug nuav tsuas nyob ib vuag!  Dlua le ntawd, peb los pum yaam nyob ib vuag tuab yaam nkaus: xws le tej yoov, peb paub tas, puab tsuas nyob tsi ntev, hab puab los ca le pluj taag moog lawm. tabsis tsi pluj, tsi pluj! Cov ntseeg kuj yog cov kws tsuas pluj moog ibntus huv lub nplajteb kws peb nyob hab yuav raug rov muajsa nyob moog ibtxhis nrug Yexus. Vaajtswv tug ncaajnceeg yuav nyob moog tsi paub kawg lossis tsi poobtsaam. Peb txuj kev cawmdlim yuav nyob nrug peb pigkig rua pigkig taag moog le!

Kev Thov Vaajtswv

O Leejtxiv tug ncaajnceeg tug nov kuv tej lug thov, hab tug txhawb kuv lubzug thaus kuv taug kev, ua tsaug rua koj txujkev ruaj khov kho muab rua kuv ibyaam nkaus le tsi muaj tug nrim paub kawg. O Leejtxiv ua tsaug koj muab kuv txuas rua koj lug ntawm Yexus hab koj pum kuv yog tug ncaajnceeg hab dlawbhuv vim kuv ntseeg koj tub Tub Yexus. Huv Yexus lug npe, Kuv thov. Amees.