April 20-21, 2024

April 20-21, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Mej yuav tsum fwm Yexus Khetos hab ca nwg ua tug Tswv kaav mej. Yog thaus twg muaj tuabneeg nug mej has tas, vim le caag mej muaj chaw ca sab? Thaus ntawd mej yuav tsum paub teb.”— 1 Petus Peter 3:15

Xaav Txug Tejlug Rua Nubnua

Muaj Yexus ua peb tug TSWV tsi tau txhais has tas, peb tub komyeej ib puas tsaav kws lug tawm tsaam peb qhov tseeb lawm.  Kev muaj lub sab muasmog hab kev sis fwm yog tug caag ntawm tug kws muaj Yexus ua puab tug Vaajtswv. Tomqaab txhua yaam, Yexus hlub lwm tug txaus qhov kws nwg tuag rua puab. Yexus kuj tseem thov Vaajtswv zaam txim rua cov tuabneeg kws tsimtxom nwg, ua limham hab tua nwg kuas nwg tuag. Nwg yog tug TSWV muaj kev hlub npaum le nuav yog txhais tas peb tsimnyog npaaj peb tug kheej hab teb thaus peb muaj sijhawm kws yuav qha tau rua nrug lwm tug txug vim lecaag peb muaj kev ca sab rua huv Yexus. Cov kws nyob puagncig peb tejzag puab tub tsi paub hab xaav txug, tabsis muaj coobtug nrhav ib yaam twg kws pub lub sab qhuavqhawv rua. Thov ca peb npaaj kuas txhij rua lub sijhawm nuav kuas yog lub sijhawm kws peb ntsib Yexus!

Kev Thov Vaajtswv

Vaajtswv tug Dlawbhuv hab tug muaj kev hlub, thov pub kuas kuv muaj lub sab thoobntsib pum txhua kuas muaj sijhawm ua timkhawv txug koj nrug cov tuabneeg kws nyob puagncig kuv. Txhwjxeeb kuv thov koj paab kuv kuas muaj cuabkaav ua timkhawv txug Yexus zaaj pub rua kuv tej phoojywg. Tug kws kuv paub ……. (siv sijhawm lug has puab cov npe)  Leejtxiv, thov muab rua kuv kuas kuv muaj lub sab ntev coj hab qha kuv cov phoojywg kuas paub txug Vaajtswv koj txuj kev hlub hab koj kev zaam txim, qha kuas peb txawj txuj fwjchim lug cuag koj, huv tug cawmseej lub npe, Kuv thov. Amees.