April 26, 2024

April 26, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Vaajtswv hu peb lug ua tuabneeg zoo tsi yog hu peb lug ua pleeg ua yi. Yog leejtwg tsi kaam ua lawv le txujlug qha nua, tsi yog tug ntawd saib tsig taug tuabneeg, tabsis saib tsi taug tug Vaajtswv kws nwg pub nwg tug Ntsujplig rua mej.— 1 Thexalaunikes Thssalonians 4:7-8

Xaav Txug Tejlug Rua Nubnua

Hu lug ua tug dlawbhuv tsi yog ib qhov yoojyim rua tuabneeg nplajteb txujkev ua neej txawv le Vaajtswv qhov qauv ua neej muaj nyob huv Vaajtswv Txujlug. Xataas txag peb kuas peb piv peb lubneej rua tej tuabneeg kws nyob puagcig peb tas simsaib puab ua puab lubneej zoo dlua peb, tabsis yaam puab ua ntawd yog kev txhum. Yog le thaus Xataas txag peb yog nwg muab kev txhum txag kuas peb xaav tas yaam ntawd zoo tabsis yaam ntawd tub yog yaam kev txhum ntaag. Vaajtswv lub homphaj yog xaav kuas peb tuabneeg ua qhov zoo nyob huv peb lub sab peb txhaj ua tau lubneej saabnrau rua luas pum, peb yuav ntxuav peb lub sab lug ntawm Yexus cov ntshaav tegnum sau khaublig ntoo, qhov ntawd ua rua peb ua tau tuabneeg zoo zujzug ib nub dlhau ibnub lug ntawm tug Ntsujplig Dlhawbhuv tegnum ua num huv peb lub sab. Hab rua qhov txhua yaam ntawd yog lug huv Vaajtswv txujkev hlub. Ca peb ua lub sab kublug rua yaam zoo peb txhaj ua tau lubneej kws zoo rua Vaajtswv rua qhov Vaajtswv hu peb lug kuas nwg xaav kuas peb ua lubneej zoo kuas tsimnyog qhov Vaajtswv muab Yexus lug rua peb huv Vaajtswv kev hlub huv Yexus Khetos.

Kev Thov Vaajtswv

Txiv, thov koj novqaab tej kuv kev txhum vim koj tub tso Yexus lug zaam hab kuv tub leeg txais koj txujkev zaam ntawd lawm. kuv caw koj tug Ntsujplig Dlawbhuv coj kuas kuv muaj lub sab muas sab mog nyob huv kuv lub sab hab thov koj pub lub fwjchim rua kuv kuas kuv ua tau lubneej huvsi rua huv koj. Kuv yuav fwm koj rua txhua yaam kws koj ua cawm kuv. Huv Yexus lub npe, Kuv thov. Amees.