May 3, 2024

May 3, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Nuav yog Kuv lu lug cogtseg tas,  mej ib leeg yuav tsum hlub ib leeg ib yaam le kuv hlub mej. Tug kws zoo sab tuag theej nwg tug phoojywg lub txhoj, tug ntawd muaj lub sab hlub tshaaj plawg tej tuabneeg huv tuabsi. ” (Yauhaas John 15:12-13)

Xaav Txug Tejlug Rua Nubnua

Kuv tau nov txug ib tug xwbfwb nyob xeev Georgia moog saib ib kawm namtxiv lug zwm ua tswvcuab tshab huv pawgntseeg, hab nwg paub tas obtug muaj ib tug mivnyuas dlev.  Hab rua nwg nwg paub tseeb tas, obtug yeej hlub tug mivnyuas dlev heev. Tug xwbfwb nug, “meb puas muaj mivnyuas?” Thaus tug xwbfwb nug le nuav, tug quaspuj pib quaj hab tawm ntawm nchaav tawm moog lawm. Tug quasyawg has tas, “Ib muaj ib tug tub. Nwg tsuas yog ib tuableeg tub xwb, tabsis ib tug tub tuag hab moog nyob sau Ceebtsheej lawm.  Hab tug mivnyuas dlev nuav nwg ua rua nwg zoo le yog ibtug tub ntawd ntaag.  Txuj kev hlub kws ib muaj rua tug tsaj nuav yog ib txujkev  qha has tas ib hlub ib tug tub. Tej zag koj yuav has tas, ua caag ib yuav hlub nwg heev ua luaj, vim rua qhov ib tug tub hlub nwg mivnyuas dlev nua heev.”

Thaus kuv nov txug zaaj nuav, Kuv xaav tas, “Nwg yuav zoo tuab yaam le peb huv pawgntseeg.”  Vim lecaag txhaj tsi hlub npaum le ntawd, tabsis kuv qha rua peb tas, muaj ibtug hlub peb heev. Nwg lub npe hu ua Yexus.  Vim lecaag kuv txhaj hlub pawgntseeg? Rua qhov Yexus hlub pawgntseeg.  Ib tsoom phoojywg peb muaj kev hlub rua qhov peb muaj Tswv Yexus Khetos kws yog peb tug kheej tug Cawmseej hab tug peb tug Tswv. Peb tsim nyog ibleeg hlub ibleeg ib yaam le Yexus hlub peb. Ntawd txhaj yog kev phoojywg lub ntsablug.

Kev Thov Vaajtswv

Kuv Txiv tug nyob sau ceebtsheej, tug muaj fwjchim, tug muaj meejmom sab, kuv fwm koj, thov koj  pub kuas kuv muaj lub sab hlub koj hab hlub tau lwm tug ibyaam le Yexus tug kws koj tso lug ua kev qha rua peb tas koj hlub peb.  Kuv qhuas koj vim koj hlub kuv huv Yexus Khetos lub npe hab lub npe zoo kawg nkaus, Kuv thov. Amees.