May 28, 2024

May 28, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Mej yuav tsum ua tuab zoo coj mej lub neej kuas zoo rua cov tuabneeg kws tsi ntseeg pum.  Hab txhua zag kws zoo qha Txujmoo zoo mej ca le qha tsis xob ca nkim sijhawm. Tej lug kws mej has mej yuav tsum ua tuab zoo has, hab has kuas suavdlaws xaav noog. Tej kws lwm tug nug mej, mej yuav tsum paub teb.”— Khaulauxais Colossians 4:5-6

Xaav Txug Tejlug Rua Nubnua

Yexus ceebtoom peb tas peb yuav tau teb txhua lu kws tsi muaj tseeb kws peb has rua lwm tug lawm rua Vaajtswv (Mathais 12:36-37). Huv peb lub sijhawm thaus peb nyob nrug tuabneeg txawm yuav yog peb muaj lug zoo, lug phem hab lug cais ua paab ua pawg, peb yuav nov tug TSWV tejlug ceebtoom kuas peb ceevfaaj txug kev has lug.  Paulus kuj kom peb kuas peb paub txuj kev has hab tej kws peb has txug. Tug timthwj muaj lug zoo rua peb kuas peb yuav tau ua tuabzoo rua cov tuabneeg kws nyob puagcig peb kws tsi paub Yexus Khetos. Peb yuav tau ua tuabzoo txhua lub sijhawm kuas peb qheb sab rua cov tuabneeg tsi tau ntseeg Yexus pum. Peb yuav muaj lub sab mogmuas, qha txug kev paab, ua tuabzoo has tej lug rua cov tuabneeg saabnrau hab peb cov kwvtij hab muam huv Yexus Khetos. Ca tej lug peb has has kuas muaj kuab hab siv tej lug zoo. Ca peb siv tej lub sijhawm zoo le nuav lug qheb lwm tug lub sab kuas pum txug Yexus txuj kev hlub!

 Kev Thov Vaajtswv

Vaajtswv tug Dlawbhuv hab Ncaajnceeg, kuv paub txug koj lub kuas muag ntsug vim koj muaj kev taabncuab txug cov tuabneeg kws peb ua rua puab raug mob, hab dab puab tawm tsiv lossis thaus peb has tej lug tsi zoo tsi tseemceeb rua cov tsi tau ntseeg nov.  Thov paab kuas kuv nrhav tau yaam zoo huv kuv lubneej lug ua qha rua cov tsi tau ntseeg. Txhwjxeeb rua cov tuabneeg kws tsi tau paub koj yog tug TSWV hab yog puab tug Vaajtswv. Siv kuv lubneej hab kuv cov lug qheb tuabneeg lub plawv rua Yexus. Huv nwg lub npe. Kuv thov. Amees.