May 31, 2024

May 31, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yexus has ntxiv rua puab has tas, Mej yuav tsum ua tuab zoo noog tej kws mej nov. Mej muab lub luaj le caas luj rua lwm tug lawm, Vaajtswv yuav muab lub luaj le ntawd luj rov qaab rua mej. Tsi yog le ntawd xwb, Vaajtswv tseem yuav luj nyaav dlua le ntawd rua mej hab. Tug kws muaj lawm, Vaajtswv yuav muab ntxiv rua tug ntawd, tabsis tug kws tsi muaj, txawm yog nwg muaj mivntsis los, Vaajtswv yeej yuav muab tej ntawd rhu tawm ntawm nwg moog.”— Malakaus 4:24-25

Xaav Txug Tejlug Rua Nubnua

“Lub nyuas pobtseg miv aw, Ua tuabzoo noog  rua tej koj nov…. rua qhov Leejtxiv tug nyob txheejsau saib tuaj, yog le ntawd yuav tau ua tuabzoo ceevfaaj rua tej yaam koj nov.” Qee zag, peb cov mivnyuas tej nkauj yoojyim totaub rua peb paub zoo. Vaajtswv tsi tau xaav nov kuas peb has nrov nrov; nwg xaav kuas nwg tej lug nkaag rua huv peb ntsuabsab ntsuabplawv hab hloov peb lubneej.  Peb yuav tsum tau ua tuabzoo lim tej kws peb has kws ua rua lwm tug nov lawm puab tsi xaav nov!  Yog koj yim fuab tau txais Vaajtswv cov lug hab koj txaus sab rua,yuav yim fuab rua puab yuav hloov tau peb hab ua koobmoov rua peb.

Kev Thov Vaajtswv

Thov qheb peb lub qhovmuag, peb lub pobtseg, peb lub plawv, hab peb kev xaav os Leejtxiv, ntawd txhaj yuav ua rua peb txaus sab rua koj tej lug rua huv peb lubneej. Kuv xaav tau nov koj txujlug, hab kuv xaav muab tej lug ntawd lug tso paab kuv lubneej tej nub. Foom koobmoov rua kuv, hlub kuv os Leejtxiv xuas tej nuav yuav ua rua kuv nov koj txujlug hab yuav dlhau lug ua tug dluab nyob huv kuv lubneej. Huv Yexus lub npe txhwjxeeb. Kuv thov. Amees.