June 5, 2024

June 5, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Yexus cov thwjtim pum Yexus ua ntau yaam txujci tseemceeb, tabsis kuv tsi tau muab sau huv tuabsi rua huv phoo ntawv nua. Tej kws kuv sau ca rua huv phoo ntawv nua tub yog sau qha kuas suavdlawg paub has tas, Yexus yog tug Mexiyas kws yog Vaajtswv tug Tub. Txhua tug kws ntseeg Yexus, paub yuav tau txujsa ntev moog ib txhis. ”(Yauhaas 20:30-31)

Xaav Txug Tejlug Rua Nubnua

Kuv yeej ib txwm xaav txug tas yaam dlaabtsi kws yuav ua rua tuabneeg paub txug kev cawm hab has qha kuas lwm tug paub. Ntawd yog “taw teeb kuas cig.” Txawm yuav yog lub teeb yuav cig ci npaum lecaag los tseem muaj tuabneeg maubdlub.   Nwg yuav siv sijhawm qhuabqha rua tuabneeg kuas paub txug kev cawm. Kuv qhuabqha qhov tseeb, tabsis tsuas yog Ntsujplig Dlawbhuv yog tug muaj feem ua kuas paub qhovtseeb. Nuav kuj yog ibqhov kev thov Vaajtswv yog yaam tseemceeb. Peb tsuas tog Vaajtswv qheb tug dligmuag kuas pum txug Txujmoo Zoo.

Hab yog thaus koj muaj lub qhovci, koj yuav tsum kawm kuas koj pum. Ntawd kuj yog qheb koj lub qhovmuag kuas koj paub txug qhovtseeb huv txuj kev ntseeg. Vaajtswv xaav tau ntawm tuabneeg qhov luj tshaaj yog txu fwjchim hab leeg tug kheej kuas saab ntsujplig kws dligmuag lawm pum kev. Thaus muaj tug has tas, “Kuv pum,” nwg tseem yog tug dligmuag, tabsis thaus nwg has tas, “Vaajtswv paab kuv, Kuv dligmuag,” tub yog Vaajtswv qheb tug ntawd lub qhovmuag hab muab qhov pum kev rua nwg lawm.

Kev Thov Vaajtswv

Leejtxiv, kuv ua koj tsaug kws koj qheb kuv lub qhovmuag lug pum txug qhov tseeb kws koj muaj rua kuv kws yog kev cawm lug ntawm koj tug Tub Yexus. Thov koj txhawb kuv lub zug hab pub kuas kuv ua tau koj tug timkhawv, thov foom koobmoov rua kuv tegnum kuas ua tau zoo zujzug hab ceev kuv kuas kuv muaj lub sab huvsi rua koj tegnum. Huv Yexus lub npe, Kuv thov. Amees.