June 25, 2024

June 25, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Qhov kws peb ca sab yeej yuav tsi ua rau peb taag kev ca sab ib zag le, rua qhov nwg tug Ntsujplig Dlawbhuv kws nwg tub pub rua peb lawm tub muab rua.”— Loos 5:5

Xaav Txug Tejlug Rua Nubnua

Qhov chiv huv peb kev ca sab yog huv Yexus tegnum ua rua peb sau tug Khaublig hab lub qhov ntxaas khooblug le nwg “tub tau them kev tuag hab sawv rov lug muajsa hab ua rua peb lub cev kaajrig lug ntawm txujmoo zoo “ (2 Timautes 1:10). Peb kev ca sab yog lawv le peb tau txais lub fwjchim hab kev cog lug tseg kuas peb muaj kev ca sab  — lug rua lub sijhawm nuav, yaam peb xaav tau ntxiv yog kuas ua lubneej khov kho. Au, Vaajtswv thov tsim peb kuas peb muaj lub sab kublug kuas peb kev ca sab tsi xob plujmoog. Vaajtswv ua tej nuav yog lug ntawm nwg lub fwjchim kws tau tsaa Yexus sawv huv txuj kev tuag hab yuav tsaa peb hab muab txujsa rua peb nub Yexus rov qaab lug. (Loos 8:11).

Kev Thov Vaajtswv

Fwm txug Leejtxiv tug nyob sau Ceebtsheej, ua koj tsaug ntau ntau rua koj qhov khoom pub lawm ntawm koj tug Ntsujplig Dlawbhuv tug kws pub kuas peb muaj kev ca sab cajsa, thov pub kuas kuv muaj koj nrug kuv nyob, coj kuv hab ua neej nyob pub rua Yexus, hab kuas muab lub sab kublug rua kuv le kuv thov. Thov pub kuas kuv lubneej ua neej suv sab so kuas muaj chaws ruaj sab rua koj kev hlub hab muaj lub sab mogmuas kws qha koj kev hlub tau rua lwm tug vim rua qhov kuv kev casab nyob huv Yexus, hab huv koj lub npe kuv thov. Amees.