July 2, 2024

July 02, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Mej tsi xob xaav has tas, yog kuv lug ua kuas tuabneeg nplajteb nyob sis humxeeb. tsi yog le ntawd, kuv tsi lug ua kuastuabneeg nyob sis hum, tabsis kuv coj ntaaj lug. 35Kuv lug ua kuas tub tawmtsaam txiv, ntxhais tawmtsaam nam, hab nyaab tawmtsaam puj; cov tuabneeg kws ua yeebncuab phem tshaaj plawg rua yug, yeej yog yug tsev tuabneeg ntaag.’”(Mathais 10:34-36)

Xaav Txug Tejlug Rua Nubnua

Vaajtswv Txujlug hu Yexus yog tug Vaaj ntawm kev sis hum xeeb. Thaus nwg yug lawm, cov timtswv has tas, “hab huv nplajeteb muaj kev sis humxeeb, kev zoo muaj lug tua tuabneeg (Luka 2:14). Hab huv qhov lug nuav, Yexus has tas,  “Tsi xob xaav tas kuv coj kev sis humxeeb lug. Kuv tsi tau lug hab coj kev sis humxeeb lug. kuv coj ntaaj lug  (Mathais 10:34, tug tswv sau sob lug nuav).

Nwg has txug dlaabtsi? Nwg taabtom has tas, “kuv tsi yog lug hab coj kev sis humxeeb cuav nruabnraab qhovzoo hab phem. Kuv lug nrug ntaaj lug nyob txujkaab qhov ntseeb hab qhov yaumkev, qhov pumkev hab qhovtsaus, kev txhum hab kev ncaajnceeg.” Thaus Vaajtswv muaj qhov ncaajnceeg teeb ua lub hauvpaug, ntawd nwg yuav muaj kev sis chais ua paab ua pawg. Yexus tsaab ntaaj nwg zoo le tawvncauj. Chivthawj yog ua rua raug mob ua ntej zoo mob. Kev sis humxeeb yuav lug tsi txug yog thaus tseem muaj kev txhum.   Vaajtswv yeej tsi tsim kuas muaj kev koom xeeb tau nrug txuj kev txhum.

Koj puas paub Vaajtswv xaav tau dlaabtsi ntawm koj? Kev sis humxeeb.  Vaajtswv xaav quasntsooj txug koj.  Vaajtswv tsi yog tug nyob sau nwg lub zimtxwv es sawb taagzug saib puas pum koj muaj ib qhov txhum twg, ua txujcai tswv koj txhua yaam ntawd. Vaajtswv muaj lub homphaj rua koj kuas koj muaj kev sis humxeeb lug ntawm tsi muaj ib qhov txhum.  Ntawd yog qhov vim le caag nwg lug ua rog nrug txuj kev txhum kws muaj nyob huv koj lub plawv.

Kev Thov Vaajtswv

Vaajtswv tug muaj fwjchim hab tug muaj meejmom sab tug tsimnyog qhuas hab fwm moog le. Kuv paub koj tshawbnrhav kev sis humxeeb huv kuv, tabsis kuv txuj kev txhum ua rua koj kev sis humxeeb lug tsi txug kuv. Thov coj kuv hab foom koobmoov rua kuv kuas kuv muaj kev paub txug koj tub tub hab pum txug kuv lubneej yaam dlhau lug. Kuv xaav paub koj hab xaav lug nyob ze koj hab xaav tau koj kev sis humxeeb. Kuv thov huv Yexus lub npe, Amees.