July 22, 2024

July 22, 2024
Nubnuav Nyeem-Kawm Vaajtswv Txujlug

Nqailug Rua Nubnua

“Tabsis thaus mej moog nyob tid yog mej muab sab rau nrhav tug tswv kws yog mej tug Vaajtswv tag tag, mej yeej yuav pum nwg taagnrho mej lub sab lub ntsws.” — Kevcai 4:29

Xaav Txug Tejlug Rua Nubnua

Lub sijhawm twg yog lub sijhawm yaav dlhau lub koj tau nrhav Vaajtswv?  Kuv tsi tau yog yuav has txug kev tshawbnqha huv tej tsev kawm Vaajtswv txujlug lossis tej phoo ntawv kws cov muaj koob npe sau ntawv txug kev nrhav Vaajtswv.  Kuv has txug qhov koj nrhav Leejtxiv Vaajtswv es ua rua koj paub Vaajtswv moog tub tshaaj le najnub nuav.  Paub tas nwg nyob ze koj hab koj qhuas nwg tshaaj le yaav dlhau lug?  Ca qheb koj lub sab hab moog nrhav kuas koj pum nwg. Le tug tub lojleeb huv (Luka 15:11-32), peb yuav nrhav pum nwg tog quasntsoov hab saib ntsoov txuj xubke tog peb rov lug moog tsev!

Kev Thov Vaajtswv

Thov zaam txim rua kuv, os kuv Txiv tug nyob sau Ceebtsheej, vim rua qhov kuv nyob dleb koj, thov koj pub kuas kuv rov lug cuag koj nyob hab lug nyob ze koj, thov koj ua tug dluabci kuas kuv pum koj hab tig lug saib qhovci kws koj ci rua kuv pum kev rov lug cuag koj le tug tub lojleeb huv Luka 15:11-32. Huv Yexus lub npe, kuv thov. Amees.